नवी दिल्ली : देशात देवी-देवतांची मंदिरे बांधण्यात येतात, मंदिर बांधताना लोक त्यांच्या श्रद्धेनुसार मंदिर बांधतात, मात्र श्री राम जन्मभूमी असलेल्या अयोध्येतही एक मंदिर बांधण्यात आले आहे हे मंदिर श्री राम मंदिराच्या संकल्पाशी जोडले गेले आहे. मात्र या मंदिरात कोणत्या देवाची मूर्ती नाही तर त्यात चक्क उत्तर प्रदेशचे मुख्यमंत्री योगी आदित्यनाथ यांची मूर्ती ठेवण्यात आली असून मूर्तीची नित्यनेमाने पूजा अर्चा करण्यात येत असते. मुख्यमंत्री योगी आदित्यनाथ यांचे बांधण्यात आलेले हे मंदिर अयोध्या-गोरखपूर हायवे लागत असणाऱ्या भरतकुंडजवळ तयार करण्यात आले आहे. हे भरतकुंड तेच ठिकाण आहे ज्या ठिकाणी प्रभू श्री राम ज्यावेळी वनवासाला गेले होते त्यावेळी भरताने त्यांचे खडावा १४ वर्षयाठिकाणी ठेऊन राज्य कारभार सांभाळला होता. दरम्यान, २०१४ पासून योगी आदित्यनाथ यांचे प्रचारक प्रभाकर मौर्य यांनी या मंदिराची निर्मिती केली असल्याचे सांगण्यात येत आहे. प्रभाकर यांनी संकल्प केला होता कि पवित्र अयोध्यामध्ये जे कोणी प्रभू श्रीराम यांचे मंदिर निर्माण करेल त्यांचे मंदिर बांधणार…त्यांची इच्छा पूर्ण झाल्यानंतर प्रभाकर यांनी योगी आदित्यनाथ यांचे मंदिर बांधले असल्याचे सांगण्यात येत आहे. योगी आदित्यनाथ याच्या उंची एवढी म्हणजेच ५ फूट ४ इंच एवढी मूर्ती याठिकाणी स्थापित करण्यात आली आहे. या मूर्तीच्या शरीरावर योगी आदित्यनाथ ज्याप्रमाणे वेशभूषा करतात त्याप्रमाणेच भगवे वस्त्र असल्याचे पाहायला मिळत आहेत. प्रभाकर यांच्या मित्राने २ महिन्यापासून या मूर्तीवर काम केले असून योगींसारखीच हुबेहूब मूर्ती त्यांनी निर्मिती केली आहे. दरम्यान, योगींच्या या मंदिरात रोज सकाळ संध्याकाळ आरती करण्यात येते तसेच भजन देखील नित्यनेमाने करण्यात येते.
