Congress News : पंजाब पाठोपाठ कॉंग्रेसच्या बिहार (Congress News) शाखेतील धुसफूस चव्हाट्यावर आली. प्रदेशाध्यक्ष आणि प्रभारी बदलण्याची मागणी करत बिहारमधील २९ नेत्यांनी नुकतेच कॉंग्रेसच्या दिल्लीतील मुख्यालयाबाहेर धरणे धरले. त्या कृतीबद्दल पक्षाच्या प्रदेश शाखेने संबंधित नेत्यांना कारणे दाखवा नोटिसा बजावल्या आहेत.

बिहारमध्ये कॉंग्रेसच्या प्रदेशाध्यक्ष पदाची धुरा राजेश राम यांच्याकडे आहे. तर, पक्षाचे प्रभारी म्हणून कृष्णा अल्लावरू कार्यरत आहेत. मात्र, त्यांच्यावर पक्षाचे बिहारमधील काही नेते नाराज असल्याचे समोर आले. संबंधित नेत्यांनी (Congress News) सोमवारी दिल्लीत पक्षाच्या मुख्यालयाबाहेर निदर्शने केली. बिहारमध्ये कॉंग्रेसचे पुनरूज्जीवन होताना दिसत नाही.

त्यासाठी जबाबदार असणाऱ्या प्रदेशाध्यक्ष आणि प्रभारींना पदांवरून हटवावे, अशी मागणी निदर्शनांवेळी करण्यात आली. ती घडामोड कॉंग्रेसची कोंडी करणारी ठरली. त्या पार्श्‍वभूमीवर, पक्षाच्या बिहार शाखेने निदर्शने करणाऱ्या नेत्यांना नोटिसा बजावल्या. त्यामध्ये दोन माजी आमदार आणि काही माजी जिल्हाध्यक्षांचा समावेश आहे.

संबंधित नेत्यांकडून पक्षाने ७२ तासांत लेखी उत्तर (Congress News) मागवले. धरणे धरणाऱ्या नेत्यांवर पक्षशिस्तीचा भंग केल्याचा ठपका ठेवण्यात आला आहे. याआधी पंजाब कॉंग्रेसमधील गटबाजी प्रदेशाध्यक्षांना होणाऱ्या विरोधातून उघड झाली.