मुंबई : उपमुख्यमंत्री देवेंद्र फडणवीस यांनी कराड दक्षिण मतदारसंघामध्ये आपल्या उमेदवाराच्या प्रचारासाठी एक जाहीर सभा घेतली होती. या सभेमध्ये देवेंद्र फडणवीसांनी माजी मुख्यमंत्री आणि काँग्रेस नेते पृथ्वीराज चव्हाण यांच्यावर जोरदार हल्लाबोल केला होता. पृथ्वीराज चव्हाण हे विधानसभेचे मटेरियल नसून ते इंटरनॅशनल मटेरियल आहे. तसेच विकास कामांच्या फाईलवर सही करताना आमच्या हाताला लकवा मारत नाही असा टोलादेखील फडणवीसांनी लगावला होता.

काय म्हणाले पृथ्वीराज चव्हाण?
काँग्रेसकडून फडणवीसांच्या या वक्तव्याचा निषेध करण्यात आला आहे, तसेच त्यांनी याबद्दल माफी मागवी अशी मागणी देखील होतं आहे. दरम्यान आता यावर पृथ्वीराज चव्हाण यांनी प्रतिक्रिया देताना देवेंद्र फडणवीस यांना खोचक टोला लगावला आहे.देवेंद्र फडणवीस हे सुसंस्कृत असल्याचे मला वाटत होते, पण हा माझा गैरसमज होता.

त्याच बरोबर मी आंतरराष्ट्रीय दर्जाचा राजकारणी असल्याचं सांगत मी काही सडकछाप राजकारणी नाही हे त्यांनी मला सर्टिफिकेट दिलं आहे, त्याबद्दल त्यांचे धन्यवाद असं खोचक उत्तर पृथ्वीराज चव्हाण यांनी देवेंद्र फडणवीस यांना दिलं आहे. तसेच काहीही झालं तरी मी माझा सुसंस्कृतपणा सोडणार नाही असेदेखील पृथ्वीराज चव्हाण म्हणाले आहेत.