अहिल्यानगर :  दिल्लीतील जंतर-मंतर येथे विद्यार्थ्यांच्या आंदोलनादरम्यान झालेल्या कथित लाठीचार्जच्या निषेधार्थ वंचित बहुजन आघाडीने पुकारलेल्या ‘महाराष्ट्र बंद’ला अहिल्यानगर जिल्ह्यातील शेवगाव शहरात उत्स्फूर्त प्रतिसाद मिळाला आहे. वंचित बहुजन आघाडीच्या आवाहनानुसार शहरातील व्यापारी आणि नागरिकांनी बंदमध्ये सहभाग नोंदवत आंदोलनाला पाठिंबा दिला.

दिल्लीत शांततापूर्ण मार्गाने न्याय मागणाऱ्या विद्यार्थ्यांवर करण्यात आलेल्या पोलीस कारवाईचा आणि लाठीचार्जचा आंदोलकांनी तीव्र शब्दांत निषेध केला. या आंदोलनात वंचित बहुजन आघाडीच्या कार्यकर्त्यांसोबतच विविध डाव्या पक्षांचे पदाधिकारी आणि कार्यकर्तेही मोठ्या संख्येने सहभागी झाले होते. यादरम्यान आंदोलकांनी विद्यार्थ्यांवरील कथित लाठीचार्जचा निषेध व्यक्त करत संबंधित प्रकरणाची निष्पक्ष चौकशी करण्याची मागणी केली.  (Shevgaon protest)

सकाळपासूनच शहरातील बाजारपेठ आणि मुख्य रस्त्यांवर शुकशुकाट पाहायला मिळाला. बंद दरम्यान कुठेही गालबोट लागू नये यासाठी सर्वच घटकांनी सहकार्य केले, ज्यामुळे शहरात शांततेचे वातावरण आहे.

हेही वाचा: 

Abhijit Deepke : अभिजित दीपकेंची तब्येत बिघडली; आंदोलकांना केले आवाहन