Lalbaugcha Raja:  मुंबईची शान आणि नवसाला पावणाऱ्या ‘लालबागच्या राजा’ला अखेर भक्तिमय वातावरणात निरोप देण्यात आला. ढोल-ताशांचा गजर, लेझीमचा ठेका आणि ‘गणपती बाप्पा मोरया, पुढच्या वर्षी लवकर या’च्या जयघोषात मिरवणुकीला अनंत चतुर्दशीच्या दिवशी सुरूवात झाली होती.

त्यानंतर दुसऱ्या दिवशी सलग 22 तासांच्या मिरवणुकीनंतर शनिवारी सकाळी सातच्या सुमारास लाडका राजा गिरगाव चौपाटीवर पोहोचला, त्यानंतर लालबागच्या राजाचे विसर्जन करण्यात आले.

दरम्यान, काल १२ वाजता राजाची मंडपातून मिरवणूक काढण्यात आली. लालबागच्या राजाच्या विसर्जन मिरवणुकीत मोठ्या संख्येने गणेशभक्त सहभागी झाले होते. Lalbaugcha Raja

बाप्पाचे शेवटचे दर्शन घेण्यासाठी भाविकांनी मोठी गर्दी केली होती. अनेक ठिकाणी भक्तांच्या डोळ्यांत बाप्पाला निरोप देताना अश्रू तरळले, तर ढोल-ताशांच्या गजरात तरुणाईचा उत्साह पाहायला मिळाला.

गिरगाव चौपाटीवर लालबागचा राजा येताच आरती पार पडल्यानंतर राजाची विलोभनीय मूर्ती विसर्जनासाठी समुद्रात अत्याधुनिक तराफावर चढवण्यात आली. यावेळी मोठ्या संख्येने उपस्थित स्थानिक कोळी बांधवांनी परंपरेनुसार विसर्जन प्रक्रियेत सहभाग घेतला.

तराफ्याच्या साहाय्याने राजाला समुद्रात खोलवर नेण्यात आले आणि विधिवत विसर्जन पार पडले. यावेळी गाणपती बाप्पा मोरया! पुढच्या वर्षी लवकर या!!! चा जयघोष करताना अनेकांचे डोळे पाणावले होते. Lalbaugcha Raja

हेही वाचा: 

Jairam Ramesh: ‘निवडणूक आयोग धास्तावला?’ ; फॉर्म ६ वरून काँग्रेसचा टोला