पुणे – राज्यात आज सर्वत्र पावसाच्या सरी कोसळत आहेत. पुण्यातही शुक्रवारपासून पावसाला सुरूवात झाली आहे. या पार्श्वभूमीवर अनेक ठिकाणी दुर्घटना घडत असून मध्यवर्ती भागात असलेल्या झेड ब्रीजचा काही भाग कोसळला आहे. माहितीनुसार, ट्रकने धडक दिल्याने पुलाचा भाग कोसळला आहे. सुदैवाने कोणतीही जिवीतहानी झालेली नाही. दुचाकी वाहनांसाठी झेड ब्रीज सुरक्षित असला तरीही नागरिकांनी गाड्या हळू चालवण्याचे आवाहन प्रशासनाने केले आहे. कोणतीही दुर्घटना घडू नये यासाठी च्या भागावर बॅरिकेटस लावण्यात आले आहेत.