नवी दिल्ली – राष्ट्रीय तपास संस्थेने (एनआयए) गेल्या वर्षी कोईम्बतूर येथे झालेल्या कार बॉम्बस्फोट प्रकरणाशी संबंधित आणखी एका व्यक्‍तीला अटक केली आहे, हा आरोपी अनेक दिवसांपासून फरारी होता. हा प्रकार म्हणजे आयएसआयएसआय-प्रेरित दहशतवादी घटना होती. ज्यामध्ये मुख्य आरोपी दहशतवादी स्फोटात मारला गेला होता.

या प्रकरणात गुप्तचरांनी कोईम्बतूर येथील रहिवासी मोहम्मद इद्रिस याला अरुल्मिगु कोट्टई संगमेश्वर थिरुकोविल मंदिरासमोर झालेल्या दहशतवादी हल्ल्याचा कट रचल्याच्या आरोपावरून अटक केली. ही घटना गेल्या वर्षी 23 ऑक्‍टोबर रोजी कोईम्बतूरमधील इसवरन कोविल स्ट्रीट येथे घडली होती.

आयईडी वाहून नेणारे वाहन आरोपी जेमशा मुबीन चालवत होता, ज्याच्याशी इद्रिसचे जवळचे संबंध होते, स्फोटात जेमशा मुबीन हाही ठार झाला आहे. एनआयएने केलेल्या तपासात असे समोर आले आहे की जेमशा कट्टर हा इसिसच्या विचारसरणीने प्रेरित होता आणि त्यातूनच त्याने हा दहशतवादी हल्ला केला होता. या बॉम्बस्फोट प्रकरणात आतापर्यंत एकूण अकरा जणांवर आरोपपत्र दाखल झाले आहे.