CJP Protest: मुख्य निवडणूक आयुक्त ज्ञानेश कुमार यांच्या राजीनाम्याच्या मागणीने जोर धरला आहे. कॉकरोच जनता पार्टीने निवडणूक आयोगाचे आयुक्त ज्ञानेश कुमार यांच्या राजीनाम्याच्या मागणीसाठी मुंबईतील शिवाजी पार्क येथे आंदोलन केले. यानंतर आता कॉकरोच जनता पार्टीने थेट दिल्लीकडे मोर्चा काढण्याची घोषणा केली आहे. देशाचे मुख्य निवडणूक आयुक्त ज्ञानेश कुमार यांच्या राजीनाम्याच्या मागणीसाठी सीजेपीकडून या आंदोलनाचा दुसरा टप्पा सुरू केला जाणार आहे.

मुख्य निवडणूक आयुक्त ज्ञानेश कुमार यांनी राजीनामा दिला नाही, तर 10 ऑक्टोबरला दिल्लीतील जंतर-मंतरवर मोठे आंदोलन करण्यात येईल, असा इशारा कॉकरोच जनता पार्टी चे नेते अभिजीत दिपके यांनी दिला आहे. इतकेच काय तर पोलिसांनी जंतरमंतरवर आंदोलनाला बंदी घातल्यास पोलीस आम्हाला जिथे अडवतील, त्या जागेलाच आम्ही ‘जंतरमंतर’ बनवून तिथेच आंदोलन करू,” असाही सीजेपीने इशारा दिला आहे.

“हे आंदोलन पूर्णपणे शांततापूर्ण आणि महात्मा गांधींच्या मार्गानेच होईल. आमच्या शांततापूर्ण आंदोलनाच्या घटनात्मक अधिकाराचा आदर करायचा की २० जुलैच्या पोलीस अत्याचाराची पुनरावृत्ती करायची, हे आता केंद्र सरकार आणि दिल्ली पोलिसांनीच ठरवावे,” असेही अभिजीत दिपके यांनी स्पष्ट केले आहे.

दरम्यान, 20 जुलै रोजी जंतर-मंतरवर CJPकडून NEET पेपर लीकच्या मुद्द्यावर आंदोलन करण्यात आलं होतं. त्यावेळी पोलिसांनी आंदोलकांवर कडक कारवाई केल्याचा आरोप CJPकडून करण्यात आला होता.

हेही वाचा: 

Magnesium Deficiency: सतत थकवा आणि कमजोरी जाणवतेय? शरीरात मॅग्नेशियमची कमतरता तर नाही ना? जाणून घ्या लक्षणं आणि उपाय