SiG Sauer Assault Rifles । भारताने अमेरिकेसोबत 73,00 SiG Sauer असॉल्ट रायफल्सचा करार केला आहे. याआधीही अमेरिकेकडून भारतीय लष्कराच्या जवानांसाठी याच 72,400 असॉल्ट रायफल मागवण्यात आल्या होत्या. पूर्व लडाखमध्ये चीन आणि नियंत्रण रेषेवर पाकिस्तानसोबत सुरू असलेल्या संघर्षाच्या पार्श्वभूमीवर शस्त्रास्त्र वितरण केले जाईल. एका इंग्रजी वर्तमानपत्राच्या  वृत्तानुसार, 73,00 SiG Sauer असॉल्ट रायफल्ससाठी अमेरिकेसोबत 837 कोटी रुपयांचा करार करण्यात आला आहे.

रशियन AK-203 कलाश्निकोव्ह रायफल्सच्या निर्मितीला झालेल्या विलंबामुळे फेब्रुवारी 2019 मध्ये अमेरिकेसोबत 647 कोटी रुपयांचा करार करण्यात आला होता. फास्ट ट्रॅक शस्त्रास्त्र खरेदीसाठी अमेरिकन शस्त्रास्त्र कंपनी SiG Sauer सोबत हा करार करण्यात आला होता. याद्वारे 647 कोटी रुपयांना 72,400 SIG-716 रायफल खरेदी करण्यात आल्या. यापैकी लष्करासाठी ६६,४०० रायफल, हवाई दलासाठी ४,००० आणि नौदलासाठी २,००० रायफल अमेरिकेतून खरेदी करण्यात आल्या.

रायफल खरेदीला गेल्या वर्षी मान्यता  SiG Sauer Assault Rifles । 

राजनाथ सिंह यांच्या नेतृत्वाखालील ‘डिफेन्स ॲक्विझिशन कौन्सिल’ (DAC) ने गेल्या वर्षी डिसेंबरमध्ये 73,000 SIG-716 रायफल खरेदी करण्यास मान्यता दिली होती. त्याचप्रमाणे, लष्कर 40,949 लाइट मशीन गन देखील खरेदी करत आहे, ज्यासाठी 2165 कोटी रुपये खर्च केले जात आहेत. DAC ने ऑगस्ट 2023 मध्ये सैन्यासाठी मशीन गन खरेदी करण्यास मंजुरी दिली होती. AK-203 प्रकल्पाची घोषणा 2018 मध्ये करण्यात आली होती, परंतु विलंबामुळे त्याची किंमत वाढत आहे.

SiG-716 रायफलची खासियत काय आहे? SiG Sauer Assault Rifles । 

SiG-716 रायफल्स गस्ती रायफल म्हणून पाहिल्या जातात. या माध्यमातून अर्धा किलोमीटर दूर बसलेल्या शत्रूलाही मारले जाऊ शकते. हे शस्त्र सहसा पायदळ बटालियनच्या सैनिकांना दिले जाते, ज्यांचे मुख्य काम चीन-पाकिस्तान सीमेचे रक्षण करणे आहे. या असॉल्ट रायफलची बॅरल 16 इंच आहे. एवढेच नाही तर यामध्ये सहा प्रकारचे टेलिस्कोपिक पोझिशनिंग देखील घेता येते. यात 7.62x51mm बुलेटचा वापर करण्यात आला आहे.

SIG-716 द्वारे स्निपर हल्ले देखील केले जाऊ शकतात. या रायफलची लांबी ३४.३९ इंच आणि वजन ३.५८ किलो आहे. या रायफलच्या एका मॅगझिनमध्ये 20 गोळ्या असतात, तर एका मिनिटात 685 गोळ्या डागता येतात.

हेही वाचा
“उशिरा आले पण वेळेत आले…” ; ओमर अब्दुल्लांचा ‘त्या’ पक्षाच्या निवडणुका लढवणाऱ्या नेत्यांना टोला