China Masters 2024 : भारतीय शटलर लक्ष्य, सिंधू अन् मालविकाची दुसऱ्या फेरीत धडक…
BWF China Masters 2024 (Shenzhen, China) : दोन वेळची ऑलिम्पिक पदक विजेता पी.व्ही. सिंधू, लक्ष्य सेन आणि फॉर्मात असलेली मालविका बनसोड यांनी बुधवारी आपले सामने जिंकून चायना मास्टर्स सुपर 750 बॅडमिंटन स्पर्धेच्या दुसऱ्या फेरीत प्रवेश केला.
महिला गटात, सिंधूने 50 मिनिटे चाललेल्या पहिल्या फेरीच्या सामन्यात तिच्या उच्च मानांकित थायलंडच्या बुसानन ओंगबामरुंगफानचा 21 -17, 21-19 अशा गुणांनी पराभव केला. जागतिक क्रमवारीत 19व्या क्रमांकावर असलेल्या सिंधूचा जागतिक क्रमवारीत 11व्या क्रमांकावर असलेल्या बुसाननविरुद्धच्या 21 सामन्यातील हा 20वा विजय होता.
🇮🇳India’s Lakshya Sen after beating 🇲🇾Malaysia’s Lee Zii Jia in the #ChinaMasters2024 opening round:
“Today, there’s not a lot of pressure on both of us, we could play freely. For me, it was just about taking revenge from the Paris Olympics.”#Badminton @India_AllSports pic.twitter.com/5TOrfZPbEt
— CGTN Sports Scene (@CGTNSportsScene) November 20, 2024
दरम्यान, मालविकाने (36 वे रँकिंग) डेन्मार्कच्या लिन होजमार्क जेगर्सफेल्ट (21वे रँकिंग) हिच्यावर 20-22, 23-21, 21-16 असा विजय मिळवला. पुरुष गटात लक्ष्यने सातव्या मानांकित मलेशियाच्या ली झी जियावर 57 मिनिटांत 21-14, 13-21, 21-13 असा विजय मिळवला.
यासह त्याने ऑलिम्पिक कांस्यपदकाच्या लढतीत झालेल्या पराभवाचा बदला घेतला. पॅरिस ऑलिम्पिकच्या कांस्यपदकाच्या लढतीत लक्ष्य आघाडीवर असतानाही ‘ली झी जिया’कडून पराभूत झाला होता. लक्ष्यचा पुढील सामना डेन्मार्कचा रास्मस गेमके आणि जपानचा केंटा निशिमोटो यांच्यातील विजेत्याशी होईल.
