Chief Minister Yogi on Namaz। उत्तर प्रदेशचे मुख्यमंत्री योगी आदित्यनाथ यांनी मंगळवारी रस्त्यावर नमाज पठण करण्यावर बंदी घालण्याच्या त्यांच्या सरकारच्या निर्णयाचे समर्थन केले. त्यांनी प्रयागराजमधील महाकुंभ हे धार्मिक शिस्त आणि पद्धतशीर वर्तनाचे एक उत्तम उदाहरण असल्याचे म्हटले आहे. एका वृत्तसंस्थेला दिलेल्या विशेष मुलाखतीत, उत्तर प्रदेशच्या मुख्यमंत्र्यांनी प्रयागराज महाकुंभाचे उदाहरण दिले. यावेळी बोलताना त्यांनी, संगमात ६६ कोटी भाविकांनी पवित्र स्नान केले आणि संपूर्ण कार्यक्रमादरम्यान कोणतीही घटना घडली नाही.” अशी माहिती दिली. मुलाखती दरम्यान, योगी आदित्यनाथ यांनी, ‘रस्ते चालण्यासाठी आहेत आणि जे असे म्हणत आहेत… त्यांनी हिंदूंकडून शिस्त शिकली पाहिजे.’ ६६ कोटी लोक प्रयागराजला आले… कुठेही लूटमार झाली नाही, कुठेही जाळपोळ झाली नाही, कुठेही विनयभंग झाला नाही, कुठेही तोडफोड झाली नाही, कुठेही अपहरण झाले नाही, ही शिस्त आहे, ही धार्मिक शिस्त आहे. कोट्यवधी हिंदू प्रयागराज महाकुंभात भक्तीभावाने आले, महास्नानात सहभागी झाले आणि नंतर त्यांच्या गंतव्यस्थानाकडे निघाले. सण-उत्सव किंवा असे कोणतेही कार्यक्रम अश्लीलतेचे माध्यम बनू नयेत. जर तुम्हाला सोय हवी असेल तर शिस्त पाळायला शिका.” असे स्पष्ट मत यावेळी योगींनी व्यक्त केले. उत्तर प्रदेशात रस्त्यावर नमाज अदा करण्यास बंदी Chief Minister Yogi on Namaz। ईदच्या निमित्ताने, यूपी सरकारच्या सूचनांचे पालन करून, सर्व जिल्ह्यांच्या पोलिसांनी रस्त्यावर नमाज पठण करू नये आणि असे कार्यक्रम फक्त नियुक्त ठिकाणीच आयोजित केले जातील असे आदेश जारी केले होते. मेरठ पोलिसांनी एक निर्देश जारी केला होता की यावर्षी शहरातील ईदची नमाज फक्त जवळच्या मशिदी आणि फैज-ए-आम इंटर कॉलेजच्या मैदानासारख्या नियुक्त ठिकाणीच मर्यादित राहील. राज्य सरकारच्या या सूचनेनंतर, मुस्लिम धार्मिक नेत्यांनीही लोकांना ईदची नमाज फक्त नियुक्त केलेल्या ठिकाणीच अदा करण्याचे आवाहन केले होते. वक्फ हे वैयक्तिक आवडीचे केंद्र बनले Chief Minister Yogi on Namaz। वक्फ (दुरुस्ती) विधेयकावरील प्रश्नाला उत्तर देताना योगी आदित्यनाथ म्हणाले की, “सुधारणा ही काळाची गरज आहे. ‘प्रत्येक चांगल्या कामाला विरोध असतो.’ त्याचप्रमाणे वक्फ दुरुस्ती विधेयकावरूनही गदारोळ सुरू आहे. या मुद्द्यावर गोंधळ घालणाऱ्यांना मी विचारू इच्छितो… वक्फ बोर्डाने काही कल्याणकारी काम केले आहे का? सगळं काही बाजूला ठेवलं तर, वक्फने मुस्लिमांचेही काही भले केले आहे का? वक्फ हे वैयक्तिक आवडीचे केंद्र बनले आहे. ते कोणत्याही सरकारी मालमत्तेवर जबरदस्तीने कब्जा करण्याचे एक साधन बनले आहे आणि सुधारणा ही काळाची गरज आहे. प्रत्येक सुधारणांना विरोध आहे. देश, काळ आणि परिस्थितीनुसार आपण अशा सुधारणांसाठी तयार असले पाहिजे. वक्फ कायद्यातील दुरुस्तीचा सर्वाधिक फायदा मुस्लिम समुदायाला होईल असे मला वाटते.” असे मत त्यांनी यावेळी व्यक्त केले.
