Cheteshwar Pujara Retirement। भारतीय क्रिकेटपटू चेतेश्वर पुजाराने सर्व प्रकारच्या क्रिकेटमधून निवृत्तीची घोषणा केली. त्याने एक भावनिक पोस्ट करत याविषयीची माहिती दिली आहे. त्याने आपल्या पोस्टमध्ये, “भारतीय जर्सी घालणे, राष्ट्रगीत गाणे आणि मैदानावर पाऊल ठेवताना प्रत्येक वेळी माझे सर्वोत्तम देण्याचा प्रयत्न करणे, या गोष्टी शब्दात वर्णन करणे अशक्य आहे. पण जसे ते म्हणतात, प्रत्येक चांगल्या गोष्टीचा अंत झाला पाहिजे. मी सर्व प्रकारच्या भारतीय क्रिकेटमधून निवृत्त होण्याचा निर्णय घेतला आहे.”असे म्हणत आपल्या निवृत्तीची त्याने घोषणा केली.

चेतेश्वर पुजाराने सोशल मीडियावरील पोस्टमध्ये,”राजकोट या छोट्या शहरातील एका लहान मुलाप्रमाणे, माझ्या पालकांसह, मी स्टार्ससाठी लक्ष्य ठेवले होते आणि भारतीय क्रिकेट संघाचा भाग होण्याचे स्वप्न पाहिले होते. तेव्हा मला कल्पनाही नव्हती की हा खेळ मला इतके काही देईल. अमूल्य संधी, अनुभव, उद्देश, प्रेम आणि सर्वात महत्त्वाचे म्हणजे माझ्या राज्याचे आणि या महान राष्ट्राचे प्रतिनिधित्व करण्याची संधी” असे म्हटले.

चेतेश्वर पुजारा निवृत्त झाला Cheteshwar Pujara Retirement। 

पुजाराने त्याच्या पोस्टमध्ये पुढे लिहिले, “माझ्या क्रिकेट कारकिर्दीत मला मिळालेल्या संधी आणि पाठिंब्याबद्दल मी बीसीसीआय आणि सौराष्ट्र क्रिकेट असोसिएशनचे आभार मानू इच्छितो.” मी इतक्या वर्षांपासून प्रतिनिधित्व केलेल्या सर्व संघांचा, फ्रँचायझींचा आणि काउंटी संघांचाही मी आभारी आहे.” पुजाराने त्याच्या कारकिर्दीत भेटलेल्या सर्व संघांच्या प्रशिक्षकांचेही आभार मानले.”

Wearing the Indian jersey, singing the anthem, and trying my best each time I stepped on the field – it’s impossible to put into words what it truly meant. But as they say, all good things must come to an end, and with immense gratitude I have decided to retire from all forms of… pic.twitter.com/p8yOd5tFyT

— Cheteshwar Pujara (@cheteshwar1) August 24, 2025

चाहत्यांचे आभार मानले Cheteshwar Pujara Retirement। 
चेतेश्वर पुजाराने त्याच्या पोस्टमध्ये, “खेळामुळे मी जगभरात पोहोचलो आहे आणि या काळात चाहत्यांचा उत्कट पाठिंबा आणि ऊर्जा नेहमीच माझ्यासोबत राहिली आहे. मी जिथे जिथे खेळलो आहे तिथे मला खूप पाठिंबा मिळाला आहे आणि मी नेहमीच याबद्दल आभारी राहीन.”असे म्हटले.

पुजाराने त्याच्या पोस्टमध्ये कुटुंबाचा उल्लेख करत त्यांच्या योगदानामुळे त्याचा प्रवास अर्थपूर्ण झाला. त्यांच्याविषयी लिहिताना त्याने, “माझे कुटुंब, माझे पालक, पत्नी पूजा आणि मुलगी अदिती, माझे सासरे आणि माझ्या कुटुंबातील इतर सदस्यांचा त्याग आणि पाठिंबा हा माझा प्रवास अर्थपूर्ण बनवतो.” मी पुढच्या टप्प्याची आतुरतेने वाट पाहत आहे.”असे म्हटले आहे.

चेतेश्वर पुजारा आंतरराष्ट्रीय कारकीर्द

३७ वर्षीय पुजाराने त्याच्या आंतरराष्ट्रीय कारकिर्दीत १०३ कसोटी आणि ५ एकदिवसीय सामने खेळले. पुजाराने १०३ कसोटी सामन्यांच्या १७६ डावांमध्ये ७१९५ धावा केल्या, ज्यामध्ये १९ शतके आणि ३५ अर्धशतकांचा समावेश आहे. पुजाराचा कसोटी प्रवास उत्कृष्ट होता, जरी तो बराच काळ संघात स्थान मिळवू शकला नाही.