सलमान खान पुन्हा एकदा ‘ईद’च्या मुहूर्तावर धमाका करण्याच्या तयारीत आहे. 2025 मध्ये ईदच्या मुहूर्तावर तो ‘सिकंदर’चित्रपट घेऊन येत आहे. ‘गजनी’चे दिग्दर्शक एआर मुरुगदास बनवत असलेला हा ॲक्शनपट आहे. साजिद नाडियादवाला या चित्रपटाचे निर्माते आहेत. या चित्रपटाबाबत बऱ्याच दिवसांपासून चर्चा सुरू आहे. या चित्रपटात एकामागून एक वेगवेगळ्या स्टार्सची नावे जोडली जात आहेत.

वरुण धवनची भाची अंजिनी धवन या चित्रपटात एका खास भूमिकेत दिसणार आहे. असे सांगितले जात आहे की या चित्रपटात एक पात्र आहे ज्यासाठी एका फ्रेश चेहऱ्याची गरज होती, त्यामुळे अंजनीला कास्ट करण्यात आले आहे.
तर साऊथची लोकप्रिय अभिनेत्री काजल अग्रवालही सलमानच्या या चित्रपटात दिसणार आहे. तिने या चित्रपटाचे शूटिंगही सुरू केले आहे. मात्र, तिच्या भूमिकेबाबत अद्याप कोणतीही माहिती समोर आलेली नाही.

रिपोर्टनुसार, अभिनेता राज बब्बर यांचा मुलगा प्रतीक बब्बर, ज्याने अनेक चित्रपटांमध्ये खलनायकाची भूमिका साकारली आहे. प्रतीक नकारात्मक भूमिकेत दिसणार आहे. या चित्रपटात तो सलमानच्या अडचणी वाढवताना दिसणार आहे. तर  ‘सिकंदर’चा खरा खलनायक म्हणजे दक्षिणेतील प्रसिद्ध अभिनेता सत्यराज, ज्याला आज जग ‘बाहुबली’मध्ये साकारलेल्या कट्टप्पाच्या भूमिकेसाठी ओळखतो. ‘बाहुबली’मधील कट्टप्पाच्या भूमिकेतून तो सर्वत्र प्रसिद्ध झाला. आता या चित्रपटात तो खलनायकाच्या भूमिकेत किती अप्रतिम अभिनय करतो हे पाहावे लागेल. तसेच २०२३ साली प्रदर्शित झालेल्या ‘ॲनिमल’ या चित्रपटात रणबीर कपूरसोबत दिसलेली रश्मिका आता सलमानसोबत दिसणार आहे. ती या चित्रपटाची लीड रोलमध्ये दिसणार आहे. सलमान आणि रश्मिका ही जोडी पहिल्यांदाच पडद्यावर दिसणार आहे.