पुणेः छत्रपती शिवाजी रस्त्यावरील प्यासा हॅाटेलच्यासमोर चारचाकी वाहन चालकाने एका दुचाकीस्वारला धडक देत पुढे चार ते पाच वाहनांना धडक दिली असल्याची घटना मंगळवारी रात्रीच्या सुमारास येथे घडली. या प्रकरणी चतुःश्रृंगी पोलिसांनी वाहनचालकाला पुढील कारवाईसाठी ताब्यात घेत खडक पोलिसांच्या ताब्यात दिले आहे. दयानंद केदारी असे वाहनचालकाचे नाव आहे. या वाहनचालकाविरुद्ध गुन्हा दाखल करण्यात आला असून, त्याला नोटीस बजाविण्यात आल्याचे खडक पोलिसांनी सांगितले.

मिळालेल्या माहितीनुसार, छत्रपती शिवाजी रस्त्यावरील मंगळवारी रात्रीच्या सुमारास सबंधित वाहन चालकाने एका दुचाकीला धडक देत पुढे चार ते पाच वाहनांना धडक दिली. ही घटना येथे असलेल्या प्यासा हॅाटेलसमोर घडली. एका दुचाकीस्वाराने वाहनचालकाचा पाठलाग करीत त्याला दीपबंगला चौकात पकडले. या घटनेची माहिती त्याने पोलिसांनी त्यानुसार चतृःश्रृंगी पोलिसांनी त्याला घेतले.

मिळालेल्या अधिकच्या माहितीनुसार, वाहनचालक केदारी हा एका उपहारगृहात व्यवस्थापक आहे. या घटनेच्या दिवशी तो मद्य प्राशन करीत वाहन चालवित होता. यामुळे त्याची वैद्यकीय तपासणी करुन पुढील कायदेशीर कारवाईसाठी त्याला खडक पोलिसांच्या ताब्यात देण्यात आले आहे. या प्रकरणाचा पुढील तपास खडक पोलीस करीत आहेत.