Chandrashekhar Bawankule । राज्यात आज धूलिवंदन उत्साहात साजरे होत आहे. ‘लहानांपासून ते अबालवृद्धांपर्यंत सर्व जण विविध रंगानी रंगून गेले आहेत. त्यातच राज्यात राजकीय धुळवड बुरा न मानो होली है!’, असं म्हणत साजरी करण्यात येत आहे. याच पार्श्वभूमीवर भाजपकडून शुभेच्छा देण्यात आल्या आहेत. भाजपचे प्रदेशाध्यक्ष चंद्रशेखर बावनकुळे यांनी विरोधकांना होळीच्या शुभेच्छा दिल्या आहेत. मात्र, शुभेच्छा देताना खोचक शब्दांत टीका देखील केली आहे. “उद्धव ठाकरेंनी दररोज सभागृहात यावं तर संजय राऊतांनी त्यांचा सकाळचा शिमगा वर्षभरासाठी बंद करावा”, अशी कोपरखळी बावनकुळेंनी लगावली.

होळीच्या निमित्ताने नाना पटोलेंनी संकल्प करावा Chandrashekhar Bawankule ।
“नाना पटोले यांना माझ्या शुभेच्छा आहेत. त्यांना विरोधी पक्षात बसण्याचा कौल जनतेने दिलेला आहे. महाराष्ट्राला विकासाच्या मार्गावर घेऊन जाण्यासाठी आणि पारदर्शी व भ्रष्टाचारमुक्त सरकार चालण्यासाठी होळीच्या निमित्ताने नाना पटोलेंनी संकल्प करावा अशा माझ्या त्यांना शुभेच्छा”, असे चंद्रशेखर बावनकुळेंनी म्हटले आहे.

पक्षातील मतभेद त्यांनी दूर करण्याचा प्रयत्न करावा  Chandrashekhar Bawankule ।

एका वृत्तवाहिनीशी बोलताना चंद्रशेखर वडेट्टीवार यांनी,“विजय वडेट्टीवारांनी महाराष्ट्रातील चांगले प्रश्न मांडले पाहिजेत. आम्ही जो काही संकल्पनामा दिला, तो संकल्पनामा पुढे नेण्यासाठी आम्हाला विजय वडेट्टीवारांनी आम्हाला सातत्याने आठवण करून दिली पाहिजे. तसेच त्यांचा काँग्रेस पक्ष कसा मजबूत करता येईल याचीही काळजी त्यांनी घेतली पाहिजे. तसेच काँग्रेसमध्ये जे काही मनभेद आणि मदभेत आहेत ते दूर करण्याचा प्रयत्न देखील वडेट्टीवारांनी केला पाहिजे, याच त्यांना शुभेच्छा”, असे म्हटले.

पुढे ठाकरे गटाचे खासदार संजय राऊत यांच्याविषयी बोलताना बावनकुळेंनी, “संजय राऊत यांना माझ्या शुभेच्छा आहेत की ते दररोज सकाळी ९ वाजता जे खोचक टोले लगावतात. त्यांचा तो दररोजचा शिमगा त्यांनी वर्षभरासाठी बंद करावा आणि महाराष्ट्रातील सरकारला विकासासाठी सूचना द्याव्यात. दररोज सकाळी बोलावं पण राज्य कशाप्रकारे पुढे जाईल यासाठी बोलावं”, असा खोचक सल्ला दिला आहे.

हेही वाचा
“आमच्याकडे या, आम्ही तुम्हाला पाठिंबा देऊ” ; नाना पटोलेंची अजित पवार-एकनाथ शिंदेंना मोठी ऑफर