चॅम्पियन्स ट्रॉफी 2025 ला आजपासून सुरूवात होत आहे. या चॅम्पियन्स ट्रॅाफीसाठी एकूण आठ संघ आपला खेळ दाखवणार आहे. या वर्षीचे यजमान पद पाकिस्तान संघाकडे असून या संघाचा न्यूझीलंड विरुद्धचा पहिला सामना आज खेळला जाणार आहे. आजचा सामना किती वाजता सुरू होईल याबद्दल आपण जाणून घेणार आहोत. यासोबतच तुम्ही तुमच्या टीव्ही आणि मोबाईलवरही मॅच लाईव्ह कसे पाहू शकता याची माहिती दिली जाणून घेवूयात.

न्यूझीलंडचा संघ फार पूर्वीच पाकिस्तानला पोहोचला होता, जिथे संघाने पाकिस्तान आणि दक्षिण आफ्रिकेसोबत मालिकाही खेळली होती. याचा अर्थ दोन्ही संघांना एकमेकांची ताकद आणि कमकुवतपणाची माहिती आहे. मोहम्मद रिझवान हा पाकिस्तानी संघाचा कर्णधार आहे, तो प्रथमच आयसीसी स्पर्धेत आपल्या संघाचे नेतृत्व करत आहे. तर दुसरीकडे न्यूझीलंड संघ कमान मिशेल सँटनरच्या हातात असणार आहे.

…तर इतिहास लिहिला जाईल

आजचा सामना कराचीतील नॅशनल स्टेडियमवर खेळला जाणार आहे. पाकिस्तानकडून येथे कडक सुरक्षा व्यवस्था करण्यात आली आहे. दरम्यान, न्यूझीलंडचे आव्हान पाकिस्तानसाठी सोपे नसेल. चॅम्पियन्स ट्रॉफीच्या इतिहासात पाकिस्तानी संघ कधीही न्यूझीलंडला पराभूत करू शकलेला नाही, असा आतापर्यंतचा इतिहास सांगतो. या दोघांमध्ये झालेल्या तीन सामन्यांमध्ये प्रत्येक वेळी न्यूझीलंडने विजय मिळवला आहे. म्हणजेच आजचा सामना पाकिस्तानी संघाने जिंकला तर नवा इतिहास लिहिला जाईल.

येथे पाहू शकता लाइव्ह मॅच

मॅच सुरू होण्याची वेळ आणि लाइव्ह स्ट्रीमिंगबद्दल सांगायचे झाल्यास भारतीय वेळेनुसार दुपारी अडीच वाजता सामन्याला सुरूवात होणार आहे. तुम्हाला सामना थेट पहायचा असेल, तर तुम्ही स्टार स्पोर्ट्स नेटवर्कच्या चॅनेलवर तुमच्या टीव्हीवर पाहू शकता. पण जर तुम्हाला मोबाईलवर मॅच पाहायची असेल, तर त्यासाठी तुम्हाला जिओ हॉट स्टारवर जावे लागेल.

या ॲपचे नाव वाचल्यानंतर गोंधळून जाऊ नका. कारण जे ॲप काही दिवसांपूर्वी डिस्ने प्लस हॉट स्टार असायचे ते आता जिओ हॉट स्टार झाले आहे. हा सामना जिओ सिनेमावरही पाहायला मिळणार नाही. त्यामुळे तुमचे जुने डिस्ने प्लस हॉट स्टार ॲप अपडेट करा आणि तुम्ही तिथेच सामन्याचा आनंद घेऊ शकता.

पाकिस्तानचे संभाव्य प्लेइंग 11: मोहम्मद रिझवान (कर्णधार) (यष्टीरक्षक), फखर जमान, बाबर आझम, सौद शकील, सलमान अली आगा, खुशदिल शाह, तय्यब ताहिर, शाहीन आफ्रिदी, नसीम शाह, अबरार अहमद, मोहम्मद हसनैन

न्यूझीलंडचे संभाव्य प्लेइंग 11: डेव्हॉन कॉनवे, विल यंग, ​​केन विल्यमसन, डॅरिल मिशेल, टॉम लॅथम (यष्टीरक्षक), ग्लेन फिलिप्स, मिचेल सँटनर (कर्णधार), मायकेल ब्रेसवेल, नॅथन स्मिथ, जेकब डफी, विल्यम ओ’रुर्के