Chamoli Tunnel Accident:  उत्तराखंडमधील चमोली येथील पिपलकोटी बोगद्याच्या अपघातात सात जणांचा दुर्दैवी मृत्यू झाला आहे. मृतांची नावे जाहीर करण्यात आली आहेत.

मृतांमध्ये टिहरी जिल्ह्यातील गेनवाल येथील रहिवासी प्रदीप सिंग पवार, चमोली येथील मुकेश, बिहार येथील दुर्लभ शर्मा, झारखंड येथील विजय आणि जितेंद्र कुमार, तसेच लोकेश्वर आणि भुवनेश्वर यांचा समावेश आहे. लोकेश्वर आणि भुवनेश्वर यांच्याविषयी माहिती गोळा केली जात आहे.

गुरुवारी उत्तराखंडमधील चमोली जिल्ह्यातील एका जलविद्युत प्रकल्पाच्या ठिकाणी बांधकाम सुरू असलेल्या पिपलकोटी बोगद्यात पाणी आणि ढिगारा शिरल्याने सात जणांचा मृत्यू झाला आणि १४ जण जखमी झाले. जखमींवर उपचार सुरू आहेत.

अपघातात जखमी झालेल्या १४ जण रुग्णालयात दाखल  Chamoli Tunnel Accident: 

अपघातात चौदा जण जखमी झाले असून त्यांना रुग्णालयात दाखल करण्यात आले आहे. जखमींमध्ये छत्तीसगडमधील कोंडागाव येथील रहिवासी सुनील देवान यांचा समावेश आहे. झारखंडचे आबेल गुडिया, निस्तार भिंग्रा, विनोद सावना, दीना बैग्रा, खेला राम बिसरा; पंजाबचे रहिवासी छब्बा सिंग; हिमाचल प्रदेशचे रहिवासी तिलक राज; बिहारचे चंदन कुमार, अवधेश, नंदलाल, रोहित पांडे; छत्तीसगडचे पेन सिंग आणि गोविंद.

गोविंदला रुग्णालयातून घरी सोडण्यात आले आहे, तर रोहित पांडेला श्रीनगरला पाठवण्यात आले आहे. उर्वरित जखमींवर गोपेश्वर जिल्हा रुग्णालयात उपचार सुरू आहेत. हे कामगार बोगद्याचे बांधकाम करत असताना पाणी आत शिरल्याने हा अपघात झाला.

बोगद्यात २२ कामगार अडकले Chamoli Tunnel Accident: 

बोगद्यात बावीस कामगार अडकले होते. त्यापैकी वीस जणांना वाचवण्यात आले, ज्यांपैकी सहा जणांना मृत घोषित करण्यात आले, तर १४ जखमी कामगारांवर जवळच्या रुग्णालयात उपचार सुरू आहेत. उर्वरित दोन कामगारांविषयी तात्काळ कोणतीही माहिती उपलब्ध झाली नाही.

अधिकाऱ्यांनी सांगितले की, हा अपघात पिपलकोटी भागातील टिहरी हायड्रो डेव्हलपमेंट कॉर्पोरेशन (THDC) लिमिटेडच्या प्रकल्पस्थळी घडला. अपघातानंतर मुख्यमंत्री पुष्कर सिंह धामी चमोलीसाठी रवाना झाले आहेत. ते घटनास्थळी पोहोचून परिस्थितीचा आढावा घेतील.