बारामती : दिवाळी हा आनंद, उत्साह, प्रेम आणि आपुलकीचा सण आहे. सणाचा आनंद समाजातील प्रत्येक घटकापर्यंत पोहोचावा आणि त्यांच्या चेहऱ्यावरही आनंद फुलावा, या सामाजिक बांधिलकीच्या भावनेतून बारामती नगरपरिषदेतील कंत्राटी कामगार बांधवांना शरयु फौंडेशन च्या माध्यमातून मा श्री युगेंद्रदादा पवार व सौ तनिष्कावहिनी पवार यांच्या हस्ते दिवाळीनिमित्त फराळाचे वाटप करण्यात आले.

शहर स्वच्छ, सुंदर आणि सुव्यवस्थित ठेवण्यासाठी हे कामगार बांधव दिवस-रात्र प्रामाणिकपणे आपले कर्तव्य बजावत असतात. त्यांच्या मेहनतीमुळेच शहराच्या दैनंदिन व्यवस्थेला बळ मिळते. अशा कष्टकरी बांधवांच्या योगदानाचा सन्मान करण्याच्या उद्देशाने त्यांच्यासोबत दिवाळीचा आनंद साजरा करण्यात आला.

यावेळी उपस्थित कामगार बांधवांशी मनमोकळा संवाद साधत त्यांच्या कामाचे कौतुक करण्यात आले तसेच सर्वांना दिवाळीच्या मनःपूर्वक शुभेच्छा देण्यात आल्या.

समाजातील प्रत्येक घटकाच्या सुख-दुःखात सहभागी होणे आणि सण-उत्सवांचा आनंद सर्वांसोबत वाटणे, हीच सामाजिक बांधिलकीची खरी भावना आहे.
या प्रसंगी विरोधी पक्ष नेत्या आरती शेंडगे कामगार नेते शिवाजीराव खटकाळे संतोष सातव गौरव अहिवळे केशव भोसले आदी मान्यवरांसह कर्मचारी बंधू-भगिनी नागरिक मोठ्या संख्येने उपस्थित होते.