canada india news – कॅनडाचे पंतप्रधान जस्टिन ट्रुडो यांनी अलीकडेच खलिस्तानी फुटीरतावादी हरदीपसिंग निज्जर यांच्या हत्येत भारताचा सहभाग असल्याचा आरोप केला होता.

त्यानंतर दोन्ही देशांमध्ये राजनैतिक वाद निर्माण झाला आहे. मात्र, भारताने हे आरोप बिनबुडाचे आणि प्रेरित असल्याचे सांगत फेटाळले. दरम्यान, ट्रुडो भारतात येण्यापूर्वी कॅनडाच्या एनएसएने दोनदा भारताला भेट दिली होती, अशी माहिती समोर आली आहे.

रिपोर्ट्सनुसार, खलिस्तानी फुटीरतावादी हरदीपसिंग निज्जर यांच्या हत्येमध्ये भारत सरकारचा सहभाग असल्याच्या कॅनडाचे पंतप्रधान जस्टिन ट्रूडो यांच्या आरोपापूर्वी, देशाच्या राष्ट्रीय सुरक्षा आणि गुप्तचर सल्लागार जोडी थॉमस यांनी गेल्या महिन्यात दोनदा भारताला भेट दिली होती, अशी माहिती द इंडियन एक्स्प्रेसने दिली आहे. थॉमस ऑगस्टमध्ये आले आणि त्यांनी NSA अजित डोवाल यांची भेट घेतली, या बैठकीला गुप्तचर संस्थांचे उच्च अधिकारीही उपस्थित होते. G20 Summit, Canada, Justin Trudeau, Khalistani Terrorist, NSA Ajit Doval, PM Narendra Modi,

कॅनडाचे NSA G20 शिखर परिषदेसाठी ट्रुडोसोबत भारतात आले होते
सप्टेंबरमध्ये नवी दिल्ली येथे झालेल्या G20 शिखर परिषदेत ट्रूडो यांच्यासोबत त्या आल्या होत्या आणि यावेळी त्यांनी डोवाल यांच्यासोबत द्विपक्षीय बैठक घेतली. वृत्तानुसार, कॅनडाच्या सुरक्षा एजन्सींनी निज्जरच्या हत्येमध्ये भारतीय सरकारी एजंट्सचा सहभाग असल्याच्या आरोपांवर भारतीय एजन्सींचे सहकार्य घेण्याच्या मुद्द्यावर त्यांनी चर्चा केली. जस्टिन ट्रुडो यांनीही पंतप्रधान नरेंद्र मोदी यांच्या भेटीदरम्यान संभाव्य दुव्याचा मुद्दा उपस्थित केला होता, तो फेटाळण्यात आला होता. G20 Summit, Canada, Justin Trudeau, Khalistani Terrorist, NSA Ajit Doval, PM Narendra Modi,