Cameron Green Injury : धक्कादायक! वेगवान बाउन्सर थेट कॅमेरून ग्रीनच्या हेल्मेटवर आदळला अन् तोंडातून वाहू लागले रक्त, पाहा VIDEO
Cameron Green Injury : होबार्टमध्ये इंग्लंडविरुद्ध ३२९ धावांचा पाठलाग करताना गस ॲटकिन्सनचा चेंडू हेल्मेटच्या ग्रीलवर लागल्याने ऑस्ट्रेलियाचा कॅमेरॉन ग्रीन जखमी झाला.

Cameron Green Helmet Hit Injury Australia Vs England Hobart ODI : ऑस्ट्रेलिया आणि इंग्लंड यांच्यात बेलेरीव्ह ओव्हल मैदानावर सुरू असलेल्या निर्णायक एकदिवसीय सामन्यात एक अत्यंत थरकाप उडवणारी घटना घडली आहे. ऑस्ट्रेलियाचा अष्टपैलू फलंदाज कॅमेरून ग्रीन इंग्लंडचा वेगवान गोलंदाज गस ॲटकिन्सन याचा वेगवान बाउन्सर हेल्मेटच्या ग्रीलवर आदळल्याने गंभीर जखमी झाला. या जोरदार आघातामुळे ग्रीनच्या तोंडातून रक्त वाहू लागले आणि त्याला तातडीने ‘रिटायर्ड हर्ट’ होऊन मैदान सोडावे लागले.
पूल शॉट चुकला आणि थेट हेल्मेटवर आदळला चेंडू; ओली पीकची बदली खेळाडू म्हणून एन्ट्री
इंग्लंडने उभारलेल्या ३२९ धावांच्या विशाल आव्हानाचा पाठलाग करताना ऑस्ट्रेलियाचा संघ मोठ्या दबावाखाली होता. सहाव्या क्रमांकावर फलंदाजीला आलेल्या ग्रीनने १० चेंडूंत ३ धावा केल्या होत्या; मात्र ॲटकिन्सनच्या शॉर्ट चेंडूवर पूल शॉट खेळण्याच्या प्रयत्नात चेंडू थेट त्याच्या हेल्मेटच्या ग्रीलवर आदळला. यानंतर तोंडातून रक्त येत असतानाही पॅव्हेलियनमध्ये परतताना ग्रीनने ‘थम्स अप’ करत आपण ठीक असल्याचे संकेत दिले, तर त्याच्या जागी ओली पीकचा कन्कशन सब्स्टिट्यूट म्हणून समावेश करण्यात आला.
गेल्या काही महिन्यांपासून दुखापतींचे ग्रहण; केवळ फलंदाज म्हणून खेळत होता ग्रीन
Cameron Green retired hurt in today’s game. Hope All ok Cam. https://t.co/AmGEvq889Y
— Muthuvel_Tweets (@Muthuvel_Tweets) November 18, 2026
कॅमेरून ग्रीनसाठी मागील काही महिने फिटनेसच्या दृष्टीने अत्यंत निराशाजनक ठरले आहेत. खांद्याच्या तीव्र जकडणीमुळे तो दक्षिण आफ्रिका आणि झिम्बाब्वेच्या एकदिवसीय दौऱ्यात गोलंदाजी करू शकला नव्हता, तर जांघेच्या स्नायूंच्या दुखापतीमुळे दक्षिण आफ्रिकेविरुद्धच्या सुरुवातीच्या दोन कसोटी सामन्यांना मुकला होता. या मालिकेतील तिसऱ्या कसोटीत आणि सध्या इंग्लंडविरुद्धच्या मालिकेतही तो केवळ विशेषज्ञ फलंदाज म्हणून खेळत होता.
हेही वाचा – Rohit Sharma : माहीच्या निवृत्तीने हिटमॅनही भावुक! रोहित शर्मा पोस्ट शेअर करत म्हणाला…
ऑस्ट्रेलियाने २-१ ने गमावली वनडे मालिका –
होबार्टमधील या निर्णायक सामन्यात ग्रीनला दुखापतीमुळे मैदान सोडावे लागल्याने ऑस्ट्रेलियाच्या धावांचा पाठलाग करण्याच्या मोहिमेला मोठा धक्का बसला आहे. यानंतर ऑस्ट्रेलियाचा संघ अवघ्या ४६.५ षटकांत २३१ धावांवर गारद झाला. ज्यामुळे त्यांना ९७ धावांच्या फरकाने पराभवाला सामोरे जावे लागले. यासह तीन सामन्यांची ही मालिका २-१ ने गमवावी लागले.





