Blind Cricket Controversy : क्रिकेट विश्वात खळबळ! IND vs PAK फायनल रद्द झाल्यानंतर पाकिस्तानी अध्यक्षांची मनमानी; स्वत:च्या संघाला घोषित केलं चॅम्पियन
Blind Cricket Controversy Asia Cup Final : भारत आणि पाकिस्तान यांच्यातील २०२६ ब्लाइंड क्रिकेट आशिया कपचा अंतिम सामना पावसामुळे रद्द करण्यात आला. यानंतर पाकिस्तानला विजेता घोषित केल्याने वाद पेटला आहे.

CABI Statement on IND vs PAK Blind Cricket Controversy : भारत आणि पाकिस्तान यांच्यात शुक्रवारी ढाका येथे खेळवला जाणारा पुरुष अंध क्रिकेट आशिया चषक २०२६ चा अंतिम सामना सततच्या पावसामुळे नाणेफेकीशिवायच रद्द करावा लागला. मात्र, सामना न होताच पाकिस्तानला स्पर्धेचा एकमेव विजेता घोषित करण्यात आल्याने मोठा वाद निर्माण झाला आहे. या अन्यायकारक निर्णयाचा निषेध करत भारतीय संघाने बक्षीस वितरण समारंभावर बहिष्कार टाकला असून, ‘क्रिकेट असोसिएशन फॉर द ब्लाइंड इन इंडिया’ने (CABI) या निर्णयाचा तीव्र शब्दांत निषेध केला आहे.
नेट रनरेटच्या नावाखाली तांत्रिक नियमांचे उल्लंघन –
पावसामुळे सामना वाया गेल्यानंतर मॅच रेफरीने चांगल्या नेट रनरेटचे कारण देत पाकिस्तानला चॅम्पियन घोषित केले. सीएबीआईच्या मते, स्पर्धेच्या तांत्रिक नियमांतील कलम २७ नुसार, अंतिम सामना बरोबरीत सुटल्यास किंवा पावसामुळे रद्द झाल्यास दोन्ही संघांना संयुक्त विजेते घोषित करणे आवश्यक आहे. सुरुवातीला जागतिक अंध क्रिकेट परिषदेची तांत्रिक समितीही भारत आणि पाकिस्तानला संयुक्त विजेते मानण्यास सहमत झाली होती.
सुलतान शाह यांच्या हस्तक्षेपामुळे बदलला निर्णय –
Pakistan have been crowned champions of the Blind T20 Asia Cup after the final against India was abandoned due to persistent rain. The match referee declared Pakistan the winner, while the national team topped the tournament standings with victories in all three of their league matches.
— Muneeb Farrukh (@Muneeb313_) November 20, 2026
जागतिक अंध क्रिकेट परिषद आणि पाकिस्तान अंध क्रिकेट परिषदेचे अध्यक्ष सय्यद सुलतान शाह यांनी मनमानी करत तांत्रिक समितीचा संयुक्त विजेतेपदाचा निर्णय अचानक फिरवला. त्यांनी मॅच रेफरीवरही हाच एकतर्फी निर्णय मान्य करण्यासाठी दबाव टाकल्याचा आरोप होत आहे. या पक्षपाती भूमिकेमुळे भारतीय खेळाडू संतप्त झाले आणि त्यांनी नियमांविरुद्ध जाऊन दिलेल्या या निर्णयाला विरोध करत समारंभात सहभागी होण्यास स्पष्ट नकार दिला.
सीएबीआई महासचिव शैलेंद्र यादव यांचा तीव्र संताप –
The trophy was awarded to Pakistan without the final being played.
WBCC President and Pakistan Blind Cricket Council President Sultan Shah overruled the WBCC Technical Committee’s decision to declare joint winners, forcing the match referee to announce the same decision. https://t.co/8xT35snNIv
— Cricket Association for the Blind in India (CABI) (@blind_cricket) November 20, 2026
या प्रकरणावर प्रतिक्रिया देताना सीएबीआईचे महासचिव शैलेंद्र यादव म्हणाले की, एकही चेंडू न टाकता पाकिस्तानने स्वतःला विजेते घोषित करून घेणे अत्यंत निराशाजनक आणि निषेधार्ह आहे. पावसामुळे खेळ होऊ शकला नाही, तर राखीव दिवस ठेवणे किंवा दोन्ही संघांना संयुक्त विजेते घोषित करणे हेच योग्य पर्याय होते. नियमांना बगल देऊन घेतलेला हा निर्णय भारतीय संघ कधीही स्वीकारणार नसल्याचे त्यांनी ठामपणे सांगितले.
बांगलादेशला हरवून भारताने गाठली होती अंतिम फेरी –
The trophy was awarded to Pakistan without the final being played.
WBCC President and Pakistan Blind Cricket Council President Sultan Shah overruled the WBCC Technical Committee’s decision to declare joint winners, forcing the match referee to announce the same decision. https://t.co/XHoRsSo48D
— Cricket Association for the Blind in India (CABI) (@blind_cricket) November 20, 2026
भारतीय अंध क्रिकेट संघाने बुधवारी ढाका येथील बसुंधरा स्पोर्ट्स सिटी येथे बांगलादेशचा आठ गडी राखून दणदणीत पराभव करत अंतिम फेरीत धडक मारली होती. साखळी फेरीत पाकिस्तानकडून झालेल्या एक गडी पराभवाचा वचपा काढण्यासाठी भारतीय संघ सज्ज होता. २०१६ मध्ये पहिले विजेतेपद जिंकल्यानंतर २०२० मध्ये कोरोनामुळे ही स्पर्धा होऊ शकली नव्हती, त्यामुळे यंदाच्या दुसऱ्या पर्वात भारताचे चॅम्पियन होण्याचे स्वप्न पावसामुळे अपूर्ण राहिले.





