यंत्रणेच्या नाकावर टिच्चून मायणी परिसरात बैलगाड्या धावल्या; दर रविवारी भरतोय अड्डा?

– प्रशांत जाधव 

सातारा – सर्वसामान्यांना करोनामुळे लावलेल्या संचारबंदीने घरात कोंडून ठेवले असतानाच खटाव तालुक्‍यातील मायणी पोलीस दुरक्षेत्राच्या हद्दीत अनफळे यागावात रविवारी सर्जा राज्याच्या पाठीवर चाबकाचे फटके देत बाहेरगावावरून आलेल्या बैलगाडी मालकांनी विजयाचा गुलाल उधळल्याची घटना घडली.

याबाबत मायणी पोलिसांसह कोणालाच माहिती नसल्याचे सांगण्यात आल्याने आश्‍चर्य व्यक्त होत असले तरी मायणी पोलिसांच्या कार्यपध्दतीवर अनेक शंका उपस्थित केल्या जात आहेत.
या बैलगाडी शर्यती पाहण्यासाठी परिसरातून मोठ्या प्रमाणात गर्दी जमल्याने करोनाच्या नियमांचा पुरता फज्जा उडाला.