Best Recharge Plans: दरमहिन्याला रिचार्ज करण्यापेक्षा एकदाच जास्त कालावधीचा रिचार्ज करण्याला अनेकजण प्राधान्य देतात. जास्त कालावधीसह येणाऱ्या रिचार्जसाठी पैसे देखील जास्त खर्च करावे लागतात. मात्र, टेलिकॉम कंपन्यांकडे 84 दिवसांच्या वैधतेसह येणारे असे काही प्लॅन्स आहेत, ज्यात तुम्हाला कमी किंमतीत जास्त फायदे मिळतील. Jio, airtel, Vi आणि BSNL च्या अशाच प्लॅन्सविषयी जाणून घेऊया.

Jio चा 799 रुपयांचा प्लॅन

जिओच्या 799 रुपयांच्या प्लॅनचा कालावधी 84 दिवस आहे. या प्लॅनमध्ये तुम्हाला दररोज 1.5जीबी डेटा दिला जातो. म्हणजेच, प्लॅनमध्ये एकूण 126 जीबी डेटा मिळेल. याशिवाय, यात अनलिमिटेड कॉलिंग आणि दररोज मोफत 100 एसएमएस दिले जातात. ग्राहकांना प्लॅनमध्ये जिओ टीव्ही, जिओ सिनेमा आणि जिओ क्लाउडचा मोफत अ‍ॅक्सेस देखील मिळतो.

Airtel चा 509 रुपयांचा प्लॅन

जिओच्या या प्लॅनमध्येही तुम्हाला एकूण 84 दिवसांची वैधता मिळते. म्हणजेच, तुम्हाला दिवसाला जवळपास केवळ 6 रुपये खर्च येईल. या प्लॅनमध्ये कंपनीकडून एकूण 6 जीबी डेटा दिला जातो. या व्यतिरिक्त अनलिमिटेड कॉलिंग आणि दररोज 100 मोफत एसएमएस देखील दिले जातात. ग्राहकांना स्पॅम कॉल आणि एसएमएस अलर्ट, एअरटेल एक्स्ट्रीम अ‍ॅपचा अ‍ॅक्सेस, अपोलो 24/7 सर्कल आणि मोफत हॅलोट्यून्स सारखे फायदेही मिळतात.

Vi चा 509 रुपयांचा प्लॅन

एअरटेलप्रमाणेच Vi च्या 84 दिवसांच्या प्लॅनची किंमत देखील 509 रुपये आहे. या प्लॅनमध्ये ग्राहकांना सर्व नेटवर्कवर अनलिमिटेड वॉइस कॉलिंग, एकूण 1000 मोफत एसएमएस आणि एकूण 6जीबी डेटा दिला जातो. तसेच, हा डेटा समाप्त झाल्यास प्रति एमबी डेटासाठी 50 पैसे शुल्क द्यावे लागेल. या प्लॅनमध्ये ग्राहकांना कोणतेही अतिरिक्त फायदे मिळत नाहीत.

BSNL चा 628 रुपयांचा प्लॅन

BSNL च्या 84 दिवसांच्या वैधतेसह येणाऱ्या प्लॅनची किंमत 628 रुपये आहे. या प्लॅनमध्ये ग्राहकांना अनलिमिटेड कॉलिंगची सुविधा दिली जाते. याशिवाय, दररोज 3 जीबी डेटा आणि 100 एसएमएस दिले जातात. अशाप्रकारे, संपूर्ण प्लॅनमध्ये ग्राहकांना एकूण 252 जीबी डेटा मिळतो.