Brij Bhushan Singh : जागतिक अजिंक्यपद स्पर्धेतील पदक विजेती विनेश फोगाटसह महिला कुस्तीपटूंनी दाखल केलेल्या बहुचर्चित लैंगिक छळाच्या प्रकरणात दिल्ली न्यायालयाने रेसलिंग फेडरेशन ऑफ इंडियाचे (डब्ल्युएफआय) माजी प्रमुख ब्रिज भूषण शरण सिंह (Brij Bhushan Singh) आणि सह-आरोपी विनोद तोमर यांची निर्दोष मुक्तता केली आहे.

पुराव्यांचा अभाव आणि साक्षीदारांच्या जबाबांमधील विसंगती यामुळे अतिरिक्त मुख्य न्यायदंडाधिकारी अश्विनी पनवार यांनी हा निकाल दिला. एप्रिल-मे २०२३ मध्ये जंतरमंतर येथे झालेल्या आंदोलनादरम्यान महिला कुस्तीपटूंनी ब्रिज भूषण सिंह (Brij Bhushan Singh) यांच्यावर गंभीर आरोप केले होते.

या प्रकरणी जून २०२३ मध्ये पोलिसांनी आयपीसीच्या विविध कलमांखाली आरोपपत्र दाखल केले होते. मे २०२४ मध्ये आरोप निश्चित झाल्यानंतर गेल्या दोन वर्षांहून अधिक काळ या खटल्याची सुनावणी इन-कॅमेरा (बंदिस्त कक्षात) पद्धतीने चालली. अखेर पुराव्यांच्या अभावी न्यायालयाने त्यांची मुक्तता केली आहे.

या निर्णयानंतर ब्रिज भूषण सिंह (Brij Bhushan Singh) यांनी आनंद व्यक्त करत सत्याचा विजय झाल्याची प्रतिक्रिया दिली. दुसरीकडे, विनेश फोगाट आणि इतर कुस्तीपटूंनी या निर्णयावर तीव्र नाराजी व्यक्त केली आहे. प्रशासनाने आरोपीला वाचवल्याचा आरोप करत महिला कुस्तीपटूंनी या निर्णयाविरुद्ध दिल्ली उच्च न्यायालयात लवकरात लवकर अपील करण्याचे निर्देश आपल्या वकिलांना दिले आहेत.

दरम्यान, सरकारी वकील सविस्तर आदेशाचा अभ्यास करून पुढील कायदेशीर पावले उचलणार आहेत. या निकालानंतर कुस्तीपटू आणि राजकीय वर्तुळात मोठी चर्चा सुरू झाली आहे.