मुंबई : एका अज्ञात व्यक्तीकडून पंतप्रधान नरेंद्र मोदींना जीवे मारण्याची धमकी देण्यात आली आहे. अज्ञात व्यक्तीकडून ईमेलद्वारे पंतप्रधानांना मारण्याची धमकी देण्यात आली. मी भारतामध्ये सिरीयल बॉम्ब ब्लास्ट करण्याचा प्लॅन करत आहे, मी हिंदू धर्म आणि हिंदू धर्मातील महिलांना नष्ट करेन, अशा आशयाचा मेल करत अज्ञात व्यक्तीकडून धमकी देण्यात आली आहे. “आय विल किल नरेंद्र मोदी अल्सो”, असा उल्लेखही मेलद्वारे करण्यात आला आहे. याप्रकरणी पुण्यातील अलंकार पोलीस स्टेशनमध्ये गुन्हा दाखल करण्यात आला आहे. सोशल माध्यमांवर विदेशातून मेसेज करत एका व्यक्तीने ही धमकी दिली होती. एम. ए. मोखीम असे धमकी देणाऱ्या आरोपीचे नाव आहे. मी अनेक दहशतवादी संघटनांना फंडिंग करतो. हिंदू महिला आणि हिंदूंना देशातून नष्ट करण्यासाठी प्रयत्न करत आहे. देशात अनेक ठिकाणी मृत्यू घडवून आणण्याची धमकीसुद्धा आरोपी मोखीम या नावाने जीमेल वापरणाऱ्या व्यक्तीने मेसेज केला आहे. दरम्यान, या सगळ्या प्रकारानंतर ज्या व्यक्तीला हा मेसेज आला होता. त्यांनी पुणे शहर पोलीस दलाच्या कंट्रोल रूमला माहिती देऊन पोलिसांत गुन्हा दाखल केला आहे. एकीकडे पुण्यात दहशतवादी आढळून येत असताना आता भारताचे पंतप्रधान नरेंद्र मोदी यांना विदेशातूनच उडून देण्याचा मेसेज आल्याने सर्वत्र खळबळ उडाली आहे. पुण्यातील दहशतवाद प्रकरण आता राष्ट्रीय तपास यंत्रणेकडे सोपवण्यात आले आहे. एटीएसकडून पुण्यात पकडलेल्या दहशतवाद्यांचा तपास आता एन आय ए कडे वर्ग करण्यात आला आहे. थोड्या वेळापूर्वी पुणे सत्र न्यायालयानं तसे आदेश दिले आहेत. मोहम्मद युसुफ खान आणि मोहम्मद युनूस साकी हे दोघे ही दहशतवादी एनआयएच्या मोस्ट वॉन्टेड यादीत सक्रिय होते.
