Breaking News | Bomb blast | Sanjay Raut – ठाकरेसेना पक्षाचे खासदार संजय राऊत यांच्या मुंबईतील निवासस्थानाबाहेर बुधवारी दुपारी एका गाडीच्या काचेवर बॉम्बस्फोटाच्या धमकीचा संदेश लिहिलेला आढळला आहे. त्यानंतर बॉम्बशोधक पथकाने त्यांच्या परिसराची कसुन तपासणी केली, मात्र त्या ठिकाणी काहीही संशयास्पद आढळले नाही. पोलिसांच्या माहितीनुसार, भांडुप परिसरातील राऊत यांच्या निवासस्थानाच्या बाहेर वॅगनर गाडीच्या खिडकीवर आज होगा हंगामा १२ बजे बॉम्ब ब्लास्ट (आज गोंधळ होईल, रात्री १२ वाजता बॉम्बस्फोट) असा संदेश लिहिलेला आढळला होता. यानंतकर लगेचच समर्थकांनी तात्काळ पोलिसांना या बॉम्बस्फोटाच्या धमकीच्या संदेशाबद्दल माहिती दिली. त्यानंतर, बॉम्ब शोधक आणि नाशक पथकाचे कर्मचारी घटनास्थळी दाखल झाले. त्यांनी राऊत यांच्या बंगल्याची कसून तपासणी केली, परंतु त्यांना काहीही संशयास्पद आढळले नाही. उभी असलेली गाडी जप्त करण्यात आली असून, या धमकीच्या संदेशाच्या संदर्भात एका अज्ञात व्यक्तीविरुद्ध गुन्हा दाखल करण्याची प्रक्रिया पोलीस करत आहेत.
