Border–Gavaskar Trophy 2024-25 : बॉर्डर गावस्कर ट्रॉफीसाठी कधी रवाना होणार टीम इंडिया, समोर आली तारीख…
Indian Team Border–Gavaskar Trophy 2024-25 : बॉर्डर-गावस्कर ट्रॉफी भारत आणि ऑस्ट्रेलिया यांच्यात खेळवली जाणार आहे. यावेळी बॉर्डर-गावस्कर ट्रॉफी ऑस्ट्रेलियन भूमीवर होणार असून, ते टीम इंडियासाठी मोठे आव्हान असेल. मालिकेतील पहिला सामना 22 नोव्हेंबरपासून खेळवला जाणार आहे, मात्र आता प्रश्न उपस्थित होत आहे की टीम इंडिया या मालिकेसाठी ऑस्ट्रेलियाला कधी रवाना होणार? तर याबाबत मोठी अपडेट (तारीख) समोर आली आहे.
स्पोर्टस्टारच्या रिपोर्टनुसार, टीम इंडिया 10 किंवा 11 नोव्हेंबरला बॉर्डर-गावस्कर ट्रॉफीसाठी रवाना होणार आहे. मात्र, टीम इंडिया ऑस्ट्रेलियाला रवाना होण्याच्या तारखेची अधिकृत माहिती अद्याप समोर आलेली नाही. लवकर जाणे टीम इंडियासाठी फायदेशीर ठरेल. तेथे गेल्यानंतर खेळाडू ऑस्ट्रेलियाच्या भूमीवर सराव करतील, जेणेकरून तेथील परिस्थितीनुसार खेळाडूंना स्वत:ला जुळवून घेता येईल.
भारतीय संघाने नुकतीच घरच्या भूमीवर न्यूझीलंडविरुद्ध तीन सामन्यांची कसोटी मालिका खेळली. घरच्या मालिकेत टीम इंडियाला 0-3 ने व्हाईट वॉशला सामोरे जावे लागले होते, त्यानंतर बॉर्डर-गावस्कर ट्रॉफी टीम इंडियासाठी मोठे आव्हान ठरू शकते. अशा स्थितीत बॉर्डर-गावस्कर ट्रॉफीमध्ये टीम इंडिया ऑस्ट्रेलियाविरुद्ध कशी कामगिरी करते हे पाहणे रंजक ठरणार आहे.
बॉर्डर-गावस्कर ट्रॉफीचे वेळापत्रक…
पहिली कसोटी – 22 ते 26 नोव्हेंबर – पर्थ स्टेडियम, पर्थ
दुसरी कसोटी – 06 ते 19 डिसेंबर – ॲडलेड ओव्हल, ॲडलेड
तिसरी कसोटी – 14 ते 18 डिसेंबर – द गाबा, ब्रिस्बेन.
चौथी कसोटी – 26 ते 30 डिसेंबर – मेलबर्न क्रिकेट ग्राउंड, मेलबर्न
पाचवी कसोटी – 03 ते 07 जानेवारी – सिडनी क्रिकेट ग्राउंड, सिडनी.
बॉर्डर-गावस्कर ट्रॉफीसाठी टीम इंडिया : रोहित शर्मा (कर्णधार), जसप्रीत बुमराह (उपकर्णधार), यशस्वी जयसवाल, अभिमन्यु ईश्वरन, शुभमन गिल, विराट कोहली, केएल राहुल, ऋषभ पंत (यष्टीरक्षक), सरफराज खान, ध्रुव जुरेल (यष्टीरक्षक), आर अश्विन, आर जडेजा, मोहम्मद सिराज , आकाश दीप, प्रसिद्ध कृष्णा, हर्षित राणा, नितीश कुमार रेड्डी, वाशिंगटन सुंदर.
रिजर्व खेळाडू – मुकेश कुमार, नवदीप सैनी, खलील अहमद.
