Boost Immunity: थंडीचा हंगाम हळूहळू संपत चालला आहे आणि वातावरणात बदल जाणवू लागला आहे. दिवस गरम तर रात्री थंड अशा बदलत्या हवामानात सर्दी, खोकला, ताप आणि फ्लू यांसारख्या समस्या वाढतात. अशा वेळी शरीराची रोगप्रतिकारक शक्ती म्हणजेच इम्युनिटी मजबूत असणं खूप गरजेचं असतं. तज्ज्ञांच्या मते, इम्युनिटी (Immunity ) एका दिवसात वाढत नाही. ती आपल्या रोजच्या आहार आणि जीवनशैलीवर अवलंबून असते. योग्य अन्नपदार्थांचा समावेश केल्यास शरीर संसर्गांपासून चांगल्या प्रकारे लढू शकते. व्हिटॅमिन-सीयुक्त फळे खा इम्युनिटी (Immunity) वाढवण्यासाठी व्हिटॅमिन-सी खूप महत्त्वाचं आहे. संत्री, लिंबू, आवळा आणि कीवी यांसारखी फळे पांढऱ्या रक्तपेशींची संख्या वाढवण्यास मदत करतात. या पेशी संसर्गाविरुद्ध लढतात. रोज सकाळी कोमट पाण्यात लिंबू पिळून पिणं किंवा आवळ्याचा रस घेणं फायदेशीर ठरू शकतं. ही फळे शरीराला हायड्रेट ठेवतात आणि अँटिऑक्सिडंट्समुळे शरीरातील हानिकारक घटक कमी करतात. आलं, लसूण आणि हळद यांचे गुण भारतीय मसाल्यांमध्ये अनेक औषधी गुण दडलेले असतात. आल्यामध्ये ‘जिंजरॉल’ असतं, जे सूज कमी करण्यास मदत करतं. हळदीतील ‘कर्क्युमिन’ शरीरातील जळजळ कमी करतं आणि घशातील संसर्गावर आराम देतं. लसूणमध्ये ‘अॅलिसिन’ असतं, जे रोगप्रतिकारक शक्ती वाढवतं. रात्री झोपण्यापूर्वी कोमट दुधात अर्धा चमचा हळद घालून पिण्याची सवय फायदेशीर ठरते. Boost Immune System प्रोबायोटिक्सचे महत्त्व आपल्या शरीरातील सुमारे ७० टक्के इम्युनिटी आतड्यांशी संबंधित असते. त्यामुळे दही आणि ताक यांसारखे प्रोबायोटिक पदार्थ आहारात असणे आवश्यक आहे. हे पदार्थ आतड्यांतील चांगल्या बॅक्टेरियांची संख्या वाढवतात आणि पचनसंस्था मजबूत करतात. ड्रायफ्रूट्स आणि बिया खा बदाम आणि अक्रोड यांसारख्या सुका मेव्यामध्ये व्हिटॅमिन-ई आणि चांगले फॅट्स असतात, जे पेशींना मजबुती देतात. चिया बिया आणि जवसामध्ये ओमेगा-३ फॅटी अॅसिड असतात, जे शरीराच्या आतल्या दुरुस्तीस मदत करतात. जीवनशैलीकडेही लक्ष द्या फक्त आहारच नव्हे तर पुरेशी झोप, नियमित व्यायाम आणि पुरेसं पाणी पिणंही तितकंच महत्त्वाचं आहे. बदलत्या हवामानात दिवसातून किमान २ ते ३ लिटर पाणी पिण्याची सवय ठेवावी. योग्य आहार आणि सवयींच्या मदतीने बदलत्या हवामानातही आपण निरोगी राहू शकतो. छोट्या छोट्या बदलांमुळे इम्युनिटी मजबूत होते आणि आजारांपासून बचाव होतो.
