Haiwan OTT :  अभिनेता अक्षय कुमार आणि सैफ अली खान यांचा ‘हैवान’ सिनेमा 11 सप्टेंबरला चित्रपटगृहात रिलीज झाला. मात्र हा चित्रपट बॉक्स ऑफिसवर पूर्णत: अपयशी ठरला. चित्रपटगृहांमध्ये अपयश मिळाल्यानंतर हा चित्रपट आता ओटीटीवर प्रदर्शित होणार आहे. दिग्दर्शक प्रियदर्शन यांच्या या सायको थ्रिलर चित्रपटाच्या ओटीटी रिलीज डेटबद्दल महत्त्वाची माहिती समोर आली आहे.

‘हैवान’ चित्रपटाच्या माध्यमातून सैफ अली खान आणि अक्षय कुमार यांची जोडी तब्बल १८ वर्षांनंतर चित्रपटसृष्टीत एकत्र परतली होती. यापूर्वी ही जोडी ‘टशन’ चित्रपटात एकत्र दिसली होती. मात्र, ‘हैवान’मधील त्यांची केमिस्ट्री प्रेक्षकांना आवडली नाही. मीडिया रिपोर्ट्सनुसार, ‘हैवान’ हा चित्रपट ६ नोव्हेंबर २०२६ रोजी सोनी लिव्ह या लोकप्रिय ओटीटी प्लॅटफॉर्मवर डिजिटल स्ट्रीम केला जाणार आहे.

कारण चित्रपटाच्या थिएटर रिलीजपूर्वीच त्याचे डिजिटल हक्क सोनी लिव्हने खरेदी केले होते. जरी निर्मात्यांकडून अद्याप अधिकृत घोषणा होणे बाकी असले, तरी नोव्हेंबरच्या पहिल्या आठवड्यात हा चित्रपट घरबसल्या पाहता येणार आहे.

‘हैवान’ अपयशी ठरण्याचे कारण काय?
‘हैवान’ चित्रपट अपयशी ठरण्याचे मुख्य कारण म्हणजे हा चित्रपट प्रियदर्शन यांच्या मल्याळम सिनेमातील सायको थ्रिलर ‘ओप्पम’चा रिमेक होता, ज्यामध्ये मोहनलाल यांनी मुख्य भूमिका साकारली होती. मोहनलाल यांचा ‘ओप्पम’ चित्रपट आधीच हिंदीमध्ये यूट्यूबवर उपलब्ध होता. कदाचित याच कारणामुळे अक्षय कुमार आणि सैफ अली खान यांचा ‘हैवान’ पाहण्यासाठी लोकांनी थिएटरमध्ये गर्दी केली नाही.

हेही वाचा: 

Ujjwal Nikam: कसाबला बिर्याणी कोणी दिली? वर्षानुवर्षांच्या चर्चेवर उज्ज्वल निकम यांनी दिलं स्पष्ट उत्तर