Alia Bhatt: आलिया भट्ट (Alia Bhatt)    सध्या ७९व्या कान्स फिल्म फेस्टिव्हल २०२६ मध्ये तिच्या स्टायलिश आणि हटके फॅशनमुळे चर्चेत आहे. कधी पीच रंगाच्या गाऊनमध्ये, तर कधी पारंपरिक चंदेरी आयव्हरी साडीत दिसलेल्या आलियाने आता तिच्या पाचव्या लुकने सोशल मीडियावर नवी चर्चा सुरू केली आहे. कान्समधील एका खास डिनर इव्हेंटसाठी तिने परिधान केलेला रॉयल विंटेज कॉर्सेट साडी गाऊन सध्या जोरदार व्हायरल होत आहे.

आलियाने या कार्यक्रमासाठी प्रसिद्ध फॅशन डिझायनर तरुण तहिलियानी यांनी डिझाइन केलेला खास कॉर्सेट साडी गाऊन परिधान केला होता. पहिल्या नजरेत हा ड्रेस गाऊनसारखा दिसत असला, तरी प्रत्यक्षात तो साडीच्या अनोख्या ड्रेपिंग स्टाइलमध्ये तयार करण्यात आला होता. या आउटफिटमध्ये रॉयल विंटेज थीमचा प्रभाव स्पष्ट दिसत होता. गडद बरगंडी आणि सौम्य आयव्हरी रंगांच्या मिश्रणामुळे आलियाचा संपूर्ण लुक अत्यंत क्लासी आणि शाही दिसत होता.  (Alia Bhatt)

या आउटफिटची आणखी एक खास गोष्ट म्हणजे तो भारतीय ‘चिंट्झ’ टेक्सटाईलपासून प्रेरित होता. पूर्वी राजघराण्यांमध्ये वापरल्या जाणाऱ्या फ्लोरल प्रिंटेड कापडाला चिंट्झ म्हटलं जायचं. त्याच पारंपरिक डिझाइनला आधुनिक पद्धतीने या साडी गाऊनमध्ये वापरण्यात आलं होतं. विशेषतः गाऊनचा लांब ट्रेल आणि त्याची ड्रामॅटिक स्टाइल रेड कार्पेटवर खूपच आकर्षक दिसत होती.

 

View this post on Instagram

 

A post shared by Alia Bhatt 💛 (@aliaabhatt)

या लुकमधील सर्वात जास्त चर्चेत राहिलेली गोष्ट म्हणजे त्याचा कॉर्सेटेड स्ट्रक्चर. ऑफ-शोल्डर नेकलाइन आणि वरचा भाग विक्टोरियन स्टाइलमध्ये डिझाइन करण्यात आला होता. तर खालचा भाग भारतीय साडीप्रमाणे फ्लोइंग आणि एलिगंट ठेवण्यात आला होता. स्कल्प्टेड ड्रेपिंग, हलकं एम्ब्रॉयडरी वर्क आणि बायस-कट सिल्हूटमुळे हा संपूर्ण लुक अधिक स्टायलिश आणि हटके दिसत होता.

आलियाने या आउटफिटसोबत विंटेज डायमंड चोकर, मॅचिंग इअररिंग्स आणि खास ब्रूच परिधान केला होता. तिने स्लीक बन हेअरस्टाइल आणि न्यूड ग्लोइंग मेकअप निवडला होता, ज्यामुळे तिचं सौंदर्य आणखी खुलून दिसत होतं.  (Alia Bhatt)

सोशल मीडियावर आलियाच्या या लुकला मिश्र प्रतिक्रिया मिळत आहेत. अनेक चाहत्यांनी तिच्या फॅशन सेन्सचं कौतुक करत हा लुक ‘रॉयल’, ‘हाय फॅशन’ आणि ‘ग्लोबल स्टाइल स्टेटमेंट’ असल्याचं म्हटलं आहे. तर काही नेटकऱ्यांनी या आउटफिटची तुलना जुन्या पडद्यांच्या किंवा कार्पेटच्या डिझाइनशी करत त्याला ‘ओव्हरड्रामॅटिक’ असंही म्हटलं आहे.

मात्र कौतुक असो किंवा टीका, आलिया भट्टचा हा कान्स लुक सध्या इंटरनेटवर सर्वाधिक चर्चेत असलेल्या फॅशन मोमेंट्सपैकी एक ठरत आहे.