![\"\"](\"https://axdxht1orlhu.compat.objectstorage.ap-hyderabad-1.oraclecloud.com/media.dainikprabhat.com/wp-content/uploads/2026/05/Renuka-Shahane-and-Ashutosh-Rana.webp\")
Ashutosh Rana and Renuka Shahane : सुखीसंसाराची 25 वर्ष ! आशुतोष राणा आणि रेणुका शहाणेंनी खास अंदाजात केला साजरा
Ashutosh Rana and Renuka Shahane : रेणुका शहाणे आणि आशुतोष राणा यांचा विवाह २५ मे २००१ मध्ये मध्यप्रदेशमध्ये पार पडला होता
Ashutosh Rana and Renuka Shahane : अभिनेते आशुतोष राणा आणि अभिनेत्री रेणुका शहाणे यांच्याकडे कलाविश्वातील आदर्श जोडी म्हणून पाहायले जाते. नुकतेच त्यांच्या लग्नाला 25 वर्ष पूर्ण झाले. या खास दिनानिमित्त त्यांनी पुन्हा एकदा लग्नगाठ बांधली आहे.
पूजा आणि पारंपरिक विधी पूर्ण करत त्यांनी हा लग्नाचा वाढदिवस अविस्मरणीय बनवला. या खास क्षणांचे फोटो आणि व्हिडीओ पोस्ट करत आशुतोष राणा यांनी इन्स्टाग्रामवर आपल्या भावना व्यक्त केल्या आहेत. आनंदाने परिपूर्ण अशी वेळ खूप लवकर निघून जाते आणि ही वेळ कशी निघून जाते, ते कळतच नाही, असं त्यांनी लिहिलं आहे.
पुढे त्यांनी म्हटलं, ‘आज माझ्या आणि रेणुकाच्या लग्नाला 25 वर्षे पूर्ण झाली आहेत, पण असं वाटतंय की ही जणू कालचीच गोष्ट आहे. पत्नी रेणुकाच्या सहवासातील गेल्या 25 वर्षांच्या अनुभवांवर आधारित मी हे ठामपणे सांगतो की लग्नाचा उद्देश एकमेकांचं व्यक्तिमत्त्व बदलणं हा नसून, उलट ते अधिक समृद्ध आणि परिपक्व करणं हा असतो.
सुखी वैवाहिक जीवनासाठी पती-पत्नीमध्ये केवळ प्रेमच नव्हे तर परस्पर आदर असणंही अत्यंत आवश्यक आहे. विवाह ही एकमेकांच्या मुक्तीला आणि विकासाला साहाय्य करते.’ (Ashutosh Rana and Renuka Shahane )
View this post on Instagram
‘अर्ध जग तुझं आहे आणि अर्ध माझं, तरीही जर तू जोखीम पत्करण्याची कला आत्मसात केली, तर हे संपूर्ण जगच तुझं होऊन जाईल, या गोष्टीची जाणीव विवाह पती आणि पत्नीला करून देते. (Ashutosh Rana and Renuka Shahane)
ज्या स्थानी दोन नद्या एकमेकांना भेटतात, जिथे त्यांचा संगम होतो, त्या स्थानाला पवित्र तीर्थ मानलं जातं. तसंच वर्णाश्रम व्यवस्थेत गृहस्थाश्रमसुद्धा तीर्थाप्रमाणेच असतं. कारण लग्नानंतर दोन भिन्न चेतना अग्निला साक्ष मानून एकमेकांसाठी कायमचे अभिवाज्य बनतात’, अशा शब्दांत त्यांनी लग्नाची संकल्पना मांडली. आशुतोष यांच्या या फोटोंवर इंडस्ट्रीतल्या कलाकारांनी आणि चाहत्यांनीही शुभेच्छांचा वर्षाव केला आहे.
दरम्यान, रेणुका शहाणे आणि आशुतोष राणा यांचा विवाह २५ मे २००१ मध्ये मध्यप्रदेशमध्ये पार पडला होता. गेली 25 वर्षे रेणुका शहाणे आणि आशुतोष राणा सुखी वैवाहिक आयुष्य जगत आहेत. रेणुका आणि आशुतोष यांचं लव्ह मॅरेज आहे आणि आजही त्यांचे एकमेकांवर खूप प्रेम असल्याचे पाहायला मिळते.
लग्नानंतर रेणुका यांनी अभिनय क्षेत्रातून ब्रेक घेतला. लग्नानंतर त्या दोन मुलांच्या आई झाल्या. रेणुका आणि आशुतोष यांना शौर्यमन आणि सत्येंद्र अशी दोन मुलं आहेत. मुलं मोठी झाल्यानंतर रेणुका शहाणे अनेक वर्षांनी पुन्हा सिनेमांत काम करू लागल्या. (Ashutosh Rana and Renuka Shahane )
हेही वाचा:
Vivo Y600 Turbo: ‘व्हिवो Y600 टर्बो’ लॉन्च; एकदा चार्ज करा आणि दोन दिवस टेन्शन फ्री रहा!
