Arvind Kejriwal – दिल्लीचे मुख्यमंत्री अरविंद केजरीवाल आज अंमलबजावणी संचालनालयासमोर (ईडी) हजर होणार आहेत पण ते ईडी कार्यालयात पोहोचतील की नाही याबाबत सध्या शंका आहे.

दिल्ली दारू घोटाळा प्रकरणी सीएम केरिवाल यांची चौकशी होणार आहे. ईडीच्या नोटिशीला उत्तर अरविंद केजरीवाल यांनी दिले आहे, मात्र अद्याप ईडीकडून कोणतेही अधिकृत वक्तव्य आलेले नाही. अरविंद केजरीवाल यांनी त्यांना पाठवलेली ईडी नोटीस बेकायदेशीर आणि राजकीय हेतूने प्रेरित असल्याचे म्हटले आहे.

अरविंद केजरीवाल पुढे  म्हणाले, “ही नोटीस भाजपच्या सांगण्यावरून देण्यात आली आहे. ईडीने ही नोटीस मागे घ्यावी, मला प्रचार करण्यापासून रोखण्यासाठी ही नोटीस पाठवली आहे.” विशेष म्हणजे आज अरविंद केजरीवाल यांनाही मध्य प्रदेशच्या निवडणूक दौऱ्यावर जायचे आहे.”

या प्रकरणी आतापर्यंत दोन प्रमुख आपच्या मंत्र्यांना अटक करण्यात आली आहे, त्यामुळे आता आपचे पक्ष प्रमुख अरविंद केजरीवाल यांनाही तुरुंगात जावे लागण्याची शक्यता आम आदमी पक्षाला आहे. याआधी माजी उपमुख्यमंत्री मनीष सिसोदिया यांना अटक करण्यात आली होती आणि नंतर संजय सिंह यांनाही अटक करण्यात आली होती.

अरविंद केजरीवाल यांना सकाळी 11 वाजता कायदा-अंमलबजावणी एजन्सीच्या दिल्ली कार्यालयात हजर राहावे लागेल. ईडी चौकशीनंतर अरविंद केजरीवाल यांना अटक करेल, असा दावा आम आदमी पक्षाने (आप) केला आहे.