BJP News : भाजपचे राष्ट्रीय अध्यक्ष नितीन नवीन यांनी सोमवारी पक्षाच्या नव्या राष्ट्रीय पदाधिकाऱ्यांची घोषणा केली. नव्या टीममध्ये अनेक वरिष्ठ नेत्यांना महत्त्वाच्या जबाबदाऱ्या देण्यात आल्या असून, नियुक्त्या तत्काळ प्रभावाने लागू करण्यात आल्या आहेत.

राजस्थानच्या माजी मुख्यमंत्री वसुंधरा राजे सिंधिया यांच्यासह 13 नेत्यांची राष्ट्रीय उपाध्यक्षपदी नियुक्ती करण्यात आली आहे. तर स्मृती इराणी आणि विनोद तावडे यांच्यावर राष्ट्रीय सरचिटणीसपदाची जबाबदारी सोपवण्यात आली आहे.

वसुंधरा राजेंसह 13 नेते राष्ट्रीय उपाध्यक्ष –

भाजपच्या नव्या यादीत वसुंधरा राजे सिंधिया, तीरथ सिंह रावत, राम माधव, बैजयंत जय पांडा, डी. पुरंदेश्वरी, रेखा वर्मा, वर्षाबेन नरेंद्रभाई दोशी, डॉ. भारती प्रवीण पवार, सरदार मनप्रीत सिंह बादल, लाल सिंह आर्य, प्रो. एम. नागराजा, प्रो. तारिक मंसूर आणि डॉ. मधुचंद्र कर यांना राष्ट्रीय उपाध्यक्ष करण्यात आले आहे.

या नियुक्त्यांमध्ये विविध राज्यांतील नेत्यांना स्थान देण्यात आले असून, पक्षाच्या केंद्रीय संघटनेत प्रादेशिक प्रतिनिधित्वाचा समतोल साधण्याचा प्रयत्न दिसून येतो.

BJP chief Nitin Nibin announces names of new office bearers.

Vasundhara Raje Scindia, Tirath Singh Rawat, Ram Madhav, Baijyant Jay Panda, D Purandeshwari, Rekha Verma, Varshaben Narendrabhai Doshi, Bharti Pravin Pawar, Manpreet Singh Badal, Lal Singh Arya, M. Nagaraja, Tariq… pic.twitter.com/dnPE95CDVY

— ANI (@ANI) August 17, 2026

स्मृती इराणी, विनोद तावडेंवर मोठी जबाबदारी –

स्मृती इराणी आणि विनोद तावडे यांची राष्ट्रीय सरचिटणीसपदी नियुक्ती करण्यात आली आहे. दरम्यान, बी.एल. संतोष यांना राष्ट्रीय सरचिटणीस (संघटन) पदावर कायम ठेवण्यात आले आहे. शिवप्रकाश आणि सौदान सिंह यांच्याकडे राष्ट्रीय संयुक्त सरचिटणीस (संघटन) पदाची जबाबदारी देण्यात आली आहे.

महिला नेत्यांना महत्त्वाचे स्थान –

नव्या राष्ट्रीय टीममध्ये महिला नेत्यांनाही महत्त्वाचे स्थान मिळाले आहे. वसुंधरा राजे सिंधिया, डी. पुरंदेश्वरी, रेखा वर्मा, वर्षाबेन नरेंद्रभाई दोशी, डॉ. भारती प्रवीण पवार आणि डॉ. मधुचंद्र कर यांना राष्ट्रीय उपाध्यक्ष करण्यात आले आहे. तर स्मृती इराणी यांच्याकडे राष्ट्रीय सरचिटणीसपद सोपवण्यात आले आहे.

अनेक राज्यांना प्रतिनिधित्व –

नव्या टीममध्ये राजस्थान, उत्तराखंड, दिल्ली, ओडिशा, आंध्र प्रदेश, उत्तर प्रदेश, गुजरात, महाराष्ट्र, पंजाब, मध्य प्रदेश, कर्नाटक आणि पश्चिम बंगालसह विविध राज्यांतील नेत्यांचा समावेश आहे. त्यामुळे राष्ट्रीय पातळीवरील संघटनात्मक समन्वय आणि विस्ताराला प्राधान्य दिल्याचे दिसून येते.

नव्या टीममधील प्रमुख नियुक्त्या :

राष्ट्रीय उपाध्यक्ष: वसुंधरा राजे सिंधिया, तीरथ सिंह रावत, राम माधव, बैजयंत जय पांडा, डी. पुरंदेश्वरी, रेखा वर्मा, वर्षाबेन नरेंद्रभाई दोशी, डॉ. भारती प्रवीण पवार, सरदार मनप्रीत सिंह बादल, लाल सिंह आर्य, प्रो. एम. नागराजा, प्रो. तारिक मंसूर आणि डॉ. मधुचंद्र कर.

राष्ट्रीय सरचिटणीस: विनोद तावडे आणि स्मृती इराणी.

राष्ट्रीय सरचिटणीस (संघटन): बी.एल. संतोष.

राष्ट्रीय संयुक्त सरचिटणीस (संघटन): शिवप्रकाश आणि सौदान सिंह.