कोलकाता: पश्चिम बंगालमधील विधानसभा निवडणुकीपूर्वी तृणमूल काँग्रेसचे दिग्गज नेते भाजपमध्ये सामील झाले होते. ऐन निवडणुकीच्या तोंडावर भाजपने तृणमूल काँग्रेसला अनेक धक्के दिले होते. मात्र विधानसभा निवडणुकीतील शानदार विजयानंतर तृणमूल काँग्रेसनं भाजपला एकापाठोपाठ एक धक्का देण्यास सुरुवात केली आहे.

चार वर्षांपूर्वी तृणमूलची साथ सोडून भाजपमध्ये गेलेले दिग्गज नेते आणि भाजपचे राष्ट्रीय उपाध्यक्ष मुकूल रॉय यांनी घरवापसी केली आहे. मुख्यमंत्री आणि तृणमूलच्या अध्यक्षा ममता बॅनर्जी यांच्या उपस्थितीत मुकूल रॉय यांनी मुलासह घरवापसी केली आहे.

BJP national vice president Mukul Roy and his son Subhranshu Roy join TMC in the presence of West Bengal CM Mamata Banerjee, in Kolkata. pic.twitter.com/WS9oFE2J79

— ANI (@ANI) June 11, 2021

मुकूल रॉय यांच्या पत्नी आजारी आहेत. त्यांच्यावर रुग्णालयात उपचार सुरू आहेत. याबद्दल मुकूल रॉय यांच्याकडे विचारपूस करण्यासाठी पंतप्रधान नरेंद्र मोदींनी कॉल केला होता. मात्र त्यानंतरही रॉय यांनी भाजपला रामराम ठोकत तृणमूलमध्ये प्रवेश केला.