Bitcoin scam ।  राज्यात आणखी एक मोठा घोटाळा झाला असल्याची माहिती समोर आली आहे. यात तब्बल 6600 कोटी रुपयांच्या घोटाळा झाला असल्याचे सांगण्यात येत आहे. तसेच या प्रकरणी आज केंद्रीय गुन्हे अन्वेषण विभागाने (सीबीआय) मोठी कारवाई केली आहे. सीबीआयने राज्यातील पुणे, नांदेड, कोल्हापूरसह दिल्ली आणि बंगळुरु या शहरांमध्ये तब्बल 60 ठिकाणी छापे टाकल्याचे सांगण्यात येत आहे.

सीबीआयच्या आतापर्यंतच्या तपासात गेन बिटकॉईन कंपनीच्या माध्यमातून क्रिप्टोकरन्सीचा घोटाळा झाल्याचे समोर आले आहे. या घोटाळ्याची व्याप्ती 6600 कोटी रुपये इतकी आहे. मे. व्हेरिएबल टेक प्रा. लि. या कंपनीची स्थापना अमित भारद्वाज, अजय भारद्वाज, विवेक भारद्वाज, महेंद्र भारद्वाज यांनी 2015 मध्ये केली होती. या कंपनीच्या गेन बिटकॉईन क्रिप्टोकरन्सीमध्ये गुंतवणूक केल्यास महिन्याकाठी 10 टक्के परताव्याचे प्रलोभन दाखवणारी योजना सुरु करण्यात आली होती.

घोटाळ्याचा पहिला गुन्हा नांदेडमध्ये दाखल Bitcoin scam । 

2017 मध्ये याप्रकरणात नांदेडमध्ये पहिला गुन्हा दाखल करण्यात आला होता. नांदेडमधील अनेक व्यापारी, डॉक्टर आणि उद्योजकांनी 2017 मध्ये गेन बिटकॉईनमध्ये गुंतवणूक केली होती. सुरुवातीला या कंपनीने गुंतवणुकदारांना महिन्याला 10 टक्के व्याजाने परतावा दिला. त्यामुळे अनेकांनी यामध्ये पैसे गुंतवले होते. एकट्या नांदेड जिल्ह्यात गेन बिटकॉईनच्या माध्यमातून 500 कोटी रुपयांची उलाढाल झाल्याची माहिती उघड झाली आहे.

गेन बिटकॉईनचा मुख्य निर्माता अमित भारद्वाज याने नांदेडमध्ये शिक्षण घेतले होते. त्याने अनेकांना महिन्याला 10 टक्के व्याजाने परतावा देण्याचे आमिष दाखवून गेन बिटकॉईन हे सॉफ्टवेअर अनेकांना दिले होते. नांदेडमधील एका डॉक्टरने अमित भारद्वाज याला 50 लाख रुपयांचे बिटकॉईन्स दिले होते.

सुरुवातीच्या काही महिन्यांत गेन बिटकॉईनच्या माध्यमातून गुंतवणुकदारांना चांगला परतावा मिळाला. मात्र, नंतरच्या काळात अमित भारद्वाज याने गुंतवणुकदारांची फसवणूक केली आणि तो दुबईला पळून गेला. त्याच्याविरोधात देशविरोधात अनेक ठिकाणी गुन्हे दाखल होऊन त्याला अटकही करण्यात आली होती. मात्र, मध्यंतरी त्याचा मृत्यू झाला होता.

गेन बिटकॉईन हे सॉफ्टवेअर मे. व्हेरिएबल टेक प्रा. लि. या कंपनीकडे होते. या बिटकॉईनच्या सॉफ्टवेअरचे प्रमोशन करण्यासाठी दुबईत एका मोठ्या इव्हेंटचे आयोजन करण्यात आले होते. गुंतवणुकदारांना विविध एक्स्चेंजवरुन बिटकॉईन खरेदी करायला सांगून ते गेन बिटकॉईनमध्ये गुंतवण्यास सांगितले जाई. यासाठी क्लाउड माईनिंग कॉन्ट्रॅक्टचा वापर केला जात असे.

काय आहे प्रकरण? Bitcoin scam । 
गेन बिटकॉइन या क्रिप्टो करन्सीमध्ये गुंतवणूक केल्यास महिन्याकाठी १० टक्के परताव्याचे प्रलोभन देणारी योजना मे. व्हेरिएबल टेक प्रा.लि.ने २०१७ मध्ये सुरु केली होती. हजारो गुंतवणूकदारांनी यात कंपनीच्या योजनेत गुंतवणूक केली होती. सुरुवातीला काही गुंतवणूकदारांना कंपनीने परतावाही दिला होता. मात्र, त्यानंतर गुंतवणूकदारांना परतावा देणे थांबविले. कंपनीच्या संचालकांनी देशभरातून गोळा झालेले ६,६०६ कोटी रुपये विविध मार्गांनी स्वतःच्या खात्यामध्ये फिरवले