Bihar Beats Delhi : बिहारने केला मोठा उलटफेर! वैभव सूर्यवंशीच्या अनुपस्थितीत दिल्लीचा धुव्वा उडवत नोंदवला सलग दुसरा विजय
Bihar Beats Delhi : सय्यद मुश्ताक अली ट्रॉफीच्या रोमांचक सामन्यात दिल्लीला पराभूत करून बिहारने एक मोठा उलटफेर घडवला. प्रथम फलंदाजी करताना दिल्लीने २२४ धावांचे मोठे लक्ष्य उभारले होते, परंतु बिहारने हे लक्ष्य गाठले.

Bihar Stuns Delhi Syed Mushtaq Ali Trophy Ayush Loharuka Yash Dhull Century : सय्यद मुश्ताक अली ट्रॉफीच्या चालू हंगामात बिहार क्रिकेट संघाने बलाढ्य दिल्लीला पराभूत करत स्पर्धेतील सर्वात मोठा उलटफेर घडवला आहे. स्टार खेळाडू वैभव सूर्यवंशीच्या अनुपस्थितीत खेळणाऱ्या बिहारने प्रथम फलंदाजी करणाऱ्या दिल्लीने उभारलेले २२५ धावांचे कठीण लक्ष्य आठ गड्यांच्या मोबदल्यात एक चेंडू राखून यशस्वीरित्या पूर्ण केले. तीन सामन्यांतील बिहारचा हा दुसरा दिमाखदार विजय ठरला असून, दिल्लीला या स्पर्धेत पहिल्यांदाच पराभवाचा धक्का सहन करावा लागला आहे.
आयुष लोहारुका आणि बिपिन सौरभची तुफानी सुरुवात; पॉवरप्लेमध्ये कुटल्या ९६ धावा
सिमरजीत सिंग, दिग्वेश राठी आणि सुयश शर्मा यांसारखे आयपीएलमधील दिग्गज गोलंदाज दिल्लीच्या ताफ्यात असूनही बिहारच्या फलंदाजांनी सुरुवातीपासूनच आक्रमक पवित्रा घेत पॉवरप्लेमध्येच ९६ धावा कुटल्या. सलामीवीर आयुष लोहारुकाने अवघ्या २२ चेंडूंत ७ चौकार आणि ३ षटकारांसह ५० धावा ठोकल्या, तर बिपिन सौरभने १९ चेंडूंत ४९ धावांची वादळी खेळी केली.
रघुवेंद्र प्रताप आणि मयंक कुमारची निर्णायक फटकेबाजी; दिल्लीचे गोलंदाज महागडे
ALL-ROUND BRILLIANCE …
Playing a crucial role in Bihar’s thrilling win against Delhi, Raghavendra Pratap Singh starred with both bat and ball. He smashed 25 runs off 15 balls (1 four, 1 six) and claimed 3 vital wickets, earning the well-deserved Player of the Match award. https://t.co/It9THqScA8— Bihar Cricket Association (@BiharCricAssoc) November 18, 2026
मधल्या फळीतील फलंदाज अपयशी ठरल्यानंतर सातव्या क्रमांकावर आलेल्या रघुवेंद्र प्रताप सिंगने १५ चेंडूंत २५ धावा, तर दहाव्या क्रमांकावरील मयंक कुमारने अवघ्या १३ चेंडूंत ३ षटकारांसह २४ धावा करत संघाला विजय मिळवून दिला. दिल्लीकडून दिग्वेश राठीने सर्वाधिक तीन विकेट्स घेतले, मात्र सर्वच गोलंदाजांनी नऊपेक्षा अधिक इकॉनॉमीने धावा खर्च केल्या.
हेही वाचा – Rohit Sharma : माहीच्या निवृत्तीने हिटमॅनही भावुक! रोहित शर्मा पोस्ट शेअर करत म्हणाला…
यश धुलचे १२५ धावांचे वादळी शतक व्यर्थ; रघुवेंद्र प्रताप ठरला सामनावीर
बिहार ने किया सबसे बड़ा उलटफेर 🔥
#AyushLoharuka (22 पर 50), #BipinSaurabh (19 पर 49) और #MayankKumar (13 गेंद 24*) ने #Bihar को दिलाई #Delhi पर रोमांचक जीत ❤️
दिल्ली के 224 के जवाब में बिहार ने आख़िरी ओवर की पांचवीं गेंद पर दो विकेट जीता मैच 🏏
DEL 224/5
BIH 227/8#SMAT #DELvBIH
— Syed Hussain (@imsyedhussain) November 18, 2026
तत्पूर्वी, दिल्लीकडून यश धुलने ५९ चेंडूंत १६ चौकार आणि ७ षटकारांसह १२५ धावांची शतकी खेळी केली, तर तेजस्वी दहियाने ५१ धावा जोडल्या; मात्र गोलंदाजीत ३ विकेट्स आणि फलंदाजीत २५ धावा करणाऱ्या रघुवेंद्र प्रतापने सामनावीर पुरस्कार पटकावत दिल्लीचा विजय हिरावून घेतला.





