Bihar Accident : बिहारमधील बेतिया येथे मुलाच्या वाढदिवसासाठी आयोजित करण्यात आलेल्या सांस्‍कृतिक कार्यक्रमात भीषण अपघात (Bihar Accident) घडला. रस्त्याच्या कडेला घरासमोर सुरू असलेल्या कार्यक्रमात भरधाव प्रवासी बस घुसल्याने पाच जणांचा मृत्यू झाला, तर 12 जण जखमी झाले. या घटनेने परिसरात एकच खळबळ उडाली.

बहादुर महतो, संजय कुमार, भोला दुबे, देवेंद्र दुबे आणि चांगुर राम अशी मृतांची नावे आहेत. मिळालेल्या माहितीनुसार, देवेंद्र दुबे यांच्या मुलाचा सहावा वाढदिवस असल्याने शुक्रवारी रात्री त्यांच्या घरासमोर सांस्‍कृतिक कार्यक्रम आयोजित (Bihar Accident) करण्यात आला होता.

यासाठी नातेवाईक आणि मित्रपरिवार मोठ्या संख्येने उपस्थित होता. यावेळी गोरखपूरहून बेतियाकडे जाणारी प्रवासी बस बागाहा-लौरिया मुख्य मार्गावरून भरधाव वेगाने जात होती.

यावेळी समोर आलेल्या ट्रकला धडक टाळण्याच्या (Bihar Accident) प्रयत्नात बसचालकाचे वाहनावरील नियंत्रण सुटले. त्यानंतर बस थेट रस्त्याच्या कडेला सुरू असलेल्या कार्यक्रमात घुसली. बसने लोकांना धडक दिल्याने घटनास्थळी एकच आरडाओरड आणि गोंधळ उडाला.