Income tax notice to Sanjay Shirsath :  छत्रपती संभाजीनगरमधून एक मोठी बातमी समोर आली आहे. शिंदेसेनेचे आमदार आणि सामाजिक विभागाचे मंत्री संजय शिससाट यांना आयकर विभागाची नोटीस आली आहे. छत्रपती संभाजीनगरमधील एका कार्यक्रमात बोलताना संजय शिरसाट यांनी स्वत: याबाबतची माहिती दिली.यामुळे मोठी खळबळ उडाली आहे.

शिरसाट यांना आयकर विभागाची नोटीस आल्यानंतर महाराष्ट्राच्या राजकारणात मोठी चर्चा केली सुरू झाली आहे. आयकर विभागाकडून आलेल्या नोटीसबाबतची कबुली संजय शिरसाट यांनी जाहीर कार्यक्रमात दिली आहे. आता यापुढे ब्लॅकचे पैसे चालणार नाहीत, असे त्यांनी या कार्यक्रमात केलेले विधानही आता चर्चेचा विषय ठरत आहे. तसेच त्यांनी आयकर विभागाने आपल्याला २०२४ च्या निवडणुकीत तुमची संपत्ती इतकी कशी झाली? असा सवालही केला असल्याचे सांगितले आहे.

नेमकं काय म्हणाले संजय शिरसाट?

छत्रपती संभाजीनगरमधील एका कार्यक्रमात मंत्री संजय शिरसाट यांनी त्यांना नोटीस बजाविण्यात आल्याचे सांगितले. २०१९ च्या विधानसभा निवडणुकीत तुमची संपत्ती इतकी होती, आता २०२४ च्या निवडणुकीत तुमची संपत्ती इतकी कशी झाली? असा प्रश्न आयकर विभागाने केला असल्याचे देखील शिरसाट यांनी सांगितले.

हेही वाचा : “आयोग चुकीचं काम करतंय हे सिद्ध करा” ; सर्वोच्च न्यायालयाचे याचिकाकर्त्यांना निर्देश ; आयोग काय म्हणाले? वाचा