Pranjal Khewalkar : पुण्यातील उच्चभ्रू खराडी परिसरात हाउस पार्टीच्या नावाखाली सुरू असलेल्या रेव्ह पार्टीवर पुणे गुन्हे शाखेने मोठी कारवाई करत सात जणांना ताब्यात घेतले आहे. यामध्ये २ महिला आणि ५ पुरुषांचा समावेश आहे. शनिवारी रात्री उशिरा पुणे गुन्हे शाखेच्या पथकाकडून छापा टाकत धडक कारवाई करण्यात आली.

या कारवाईत एका बड्या महिला नेत्याचा समावेश असल्याची माहिती समोर आली होती. शरद पवार गटाच्या रोहिणी खडसे यांचे पती प्राजंल प्रांजल खेवलकर यांना देखील पोलिसांनी अटक केली आहे. यामुळे आता राजकारण मोठी खळबळ उडाली आहे. या कारवाईत पोलिसांनी मोठ्या प्रमाणावर अमली पदार्थ, दारू आणि हुक्का जप्त केला आहे.

ही पार्टी खराडातील एका फ्लॅटमध्ये आयोजित करण्यात आली होती. या प्रकारामुळे आता पुण्यासह राज्यात मोठी खळबळ उडाली आहे. रेव्ह पार्टी प्रकरणी पाच जणांवर महाराष्ट्र दारूबंदी कायदा आणि अमली पदार्थ विरोधी कायद्यांतर्गत गुन्हा दाखल करण्यात आला आहे. यामुळे आता पुण्यातील खराडी भागात सुरू असलेल्या रेव्ह पार्टीचे आयोजन कुणी केलं होतं, अंमली पदार्थांचा पुरवठा कसा करण्यात आला याचा तपास पोलीस करत आहे.

विद्येचे माहेरघर असलेल्या पुण्यात हाऊस अॅाफ पार्टीच्या नावाखाली रेव्ह पार्टीचा धक्कादायक प्रकार समाेर आल्याने अनेक प्रश्न उपस्थित करण्यात येत आहेत. या रेव्ह पार्टीमुळे पुण्यातील वाढत्या अमली पदार्थांच्या वापरामुळे नागरिकांमध्ये चिंता व्यक्त केली जात आहे. तसेच रेव्ह पार्टीच्या घटनेमुळे खराडी परिसरातील सुरक्षिततेचा प्रश्न ऐरणीवर आला आहे.

प्रांजल खेवलकरांना अटक 

धक्कादायक बाब म्हणजे, या रेव्ह पार्टीत एकनाथ खडसे यांच्या कन्या रोहिणी खडसे यांचे पती प्राजंल खेवलकर यांना अटक करण्यात आली आहे. पोलिसांनी प्रांजल खेवलकर आणि आणखी एका व्यक्तीला अटक केली असून, त्यांना ससून रुग्णालयात वैद्यकीय तपासणीसाठी दाखल करण्यात आली असल्याची माहिती समोर आली आहे.