Heena Gavit : स्थानिक स्वराज्य संस्थांच्या निवडणुकांच्या पार्श्वभूमीवर भाजपकडून दुरावलेल्या नेत्यांना जवळ केले जात असून यामुळे पुन्हा हे नेते ‘स्व’गृही परतत आहेत. भाजपच्या लोटस अॅापरेशनला मोठे यश मिळताना दिसत आहे. भाजपमध्ये जोरदार इन्कमिंग वाढले आहे, अशातच नंदुरबारमधील राजकारणात गावित कुटुंबाचा दबादबा असून, याच कुटुंबातील माजी खासदार हिना गावित स्वगृही परतल्या आहेत. नुकताच त्यांचा पक्षप्रवेश झाला असून त्या भाजपात येताच त्यांनी स्थानिक निवडणुकीत अर्थात जिल्हा परिषद आणि पंचायत समितीच्या निवडणुकीतबाबत भूमिका स्पष्ट केली आहे. माजी खासदार हिना गावित यांनी भाजप आणि शिवसेनेच्या युतीबाबत एक मोठं वक्तव्य करत भूमिका स्पष्ट केली आहे. नंदुरबार आणि अक्कलकुवा विधानसभा मतदारसंघात भाजप आणि शिवसेना यांच्यात युती होणार नाही, अशी माहिती हिना गावित यांनी दिली आहे. पुढे बोलताना त्यांनी युती का होणार नाही याचे कारणही सांगितले आहे. जिल्ह्यात भाजप आणि शिवसेनेत स्थानिक पातळीवर वाद आहेत. यामुळेच युती होणे शक्य नाही, असे हिना गावित यांनी सांगितले. हेही वाचा : Asin: सलमान-आमिरसोबत दिले सुपरहिट चित्रपट, करिअरच्या शिखरावरच सोडलं बॉलिवूड; आता काय करते अभिनेत्री असिन! महायुतीने आगामी निवडणुकीच्या अनुषंगाने मुंबई महापालिकेसाठी एकत्र निवडणूक लढविणार असल्याचे या अगोदरच स्पष्ट केले होते. तर राज्यातील इतर ठिकाणी स्थानिक पातळीवरील परिस्थिती पाहून निर्णय घेतला जणार असल्याचे स्पष्ट केले होते. त्या दृष्टीने हा निर्णय घेतला असल्याचे सांगितले जात आहे. या ठिकाणी भारतीय जनता पार्टीची प्रमुख लढाई शिवसेनेच्या विरोधातच आहे, असे देखील हिना गावित म्हणाल्या आहेत. हिना गावित यांची घरवापसी नंदुरबारमध्ये भाजपची ताकद आणखी वाढणार आहे. २०१४ आणि २०१९ मध्ये भाजपच्या तिकिटावर हिना गावित या खासदार म्हणून निवडून आल्या होत्या. मात्र, २०२४ च्या लोकसभा निवडणुकीत त्यांना पक्षाकडून उमेदवारी नाकारण्यात आली होती. त्यानंतर त्यांनी अपक्ष म्हणून निवडणूक लढवली, ज्यामुळे त्यांची पक्षातून हकालपट्टी करण्यात आली होती. गावित कुटुंबाचा दबदबा नंदुरबार सारख्या आदिवासी जिल्ह्यात भाजप पक्षाला मोठं करण्यात गावित कुटुंबाचे मोठं योगदान असल्याचे सांगितले जाते. आगामी स्थानिक स्वराज्य संस्थांच्या निवडणुका आणि उत्तर महाराष्ट्रातील गावित कुटुंबाचे राजकीय वजन लक्षात घेऊन त्यांना पुन्हा पक्षात प्रवेश देण्यात आल्याची चर्चा आहे. हेही वाचा : अक्षय कुमार कार्तिक आर्यन अॅानस्क्रिन एकत्र दिसणार? भूल भुलैया 4 ची मोठी अपडेट समोर
