MPSC Students : महाराष्ट्र लोकसेवा आयोगाच्या (MPSC) परीक्षांची तयारी करणाऱ्या विद्यार्थ्यांसाठी महत्त्वाची बातमी समोर आली आहे. मुख्यमंत्री देवेंद्र फडणवीस यांनी बुधवारी MPSC विद्यार्थ्यांच्या शिष्टमंडळासोबत बैठक घेत त्यांच्या विविध मागण्यांवर चर्चा केली. (MPSC Students)

या बैठकीनंतर सरकारकडून अनेक मागण्यांबाबत सकारात्मक निर्णय घेण्यात आल्याची माहिती आहे. त्यानंतर विद्यार्थ्यांनी २ ऑक्टोबर रोजी नियोजित केलेले आंदोलन तात्पुरते स्थगित केले आहे. (MPSC Students)

बैठकीत ७ महत्त्वाचे निर्णय

१. MPSC सचिवांची तत्काळ बदली

MPSC सचिवांची तातडीने बदली करण्यात येईल, असे सरकारकडून स्पष्ट करण्यात आले आहे.

२. अध्यक्ष आणि सदस्यांबाबत चौकशी

MPSC अध्यक्ष आणि सदस्यांबाबत संविधानातील कलम ३१७ नुसार कारवाईची मागणी विद्यार्थ्यांनी केली होती. यासंदर्भात तीन महिन्यांत न्यायालयीन चौकशी करून तिच्या निष्कर्षाच्या आधारे पुढील कार्यवाही करण्याची प्रक्रिया ठरवण्यात आल्याचे सांगण्यात आले.

३. MPSCच्या परीक्षा ऑफलाइनच

MPSCच्या परीक्षा ऑफलाइन पद्धतीनेच घेण्यात येतील. विद्यार्थ्यांशी चर्चा केल्याशिवाय परीक्षा पद्धतीत कोणताही वेगळा बदल केला जाणार नसल्याचे सरकारने स्पष्ट केले. (MPSC Students)

४. गट-कच्या जागांमध्ये वाढ

३ जानेवारी २०२७ रोजी होणाऱ्या गट-क संयुक्त पूर्व परीक्षेसाठी जागावाढीची विद्यार्थ्यांची मागणी मान्य करण्यात आली आहे. या भरतीमध्ये विक्रमी संख्येने पदे भरण्याची तयारी असल्याचे सरकारकडून सांगण्यात आले आहे. MPSCने गट-क पूर्व परीक्षा २५ ऑक्टोबर २०२६ ऐवजी ३ जानेवारी २०२७ रोजी घेण्याचे यापूर्वीच जाहीर केले आहे. (MPSC Students)

५. ‘सिंगल कार्ड’ प्रणाली

विद्यार्थ्यांना विविध परीक्षा देताना वारंवार कागदपत्रे सादर करावी लागू नयेत, यासाठी ‘सिंगल कार्ड’ प्रणाली विकसित करण्याचा निर्णय घेण्यात आला आहे. हे कार्ड माफक दरात उपलब्ध करून देण्याची योजना असल्याचे सांगण्यात आले. (MPSC Students)

६. तीन वर्षांची भरती एकत्र जाहीर करणार

राज्य सरकारमधील पुढील तीन वर्षांतील रिक्त पदांची भरती प्रक्रिया नियोजनबद्ध पद्धतीने जाहीर करण्याचे आश्वासन देण्यात आले आहे. निवृत्त होणाऱ्या पदांवर एक वर्ष आधीच भरती प्रक्रिया सुरू करण्याचे नियोजन असल्याचेही सांगण्यात आले. (MPSC Students)

७. विक्रमी पदभरतीचे नियोजन

राज्यातील विविध विभागांमधील रिक्त पदे मोठ्या प्रमाणात भरण्याची तयारी सुरू असल्याचे मुख्यमंत्री फडणवीस यांनी सांगितले. भरतीचा संपूर्ण कार्यक्रम एका महिन्यात निश्चित करण्याचे आश्वासन बैठकीत देण्यात आल्याची माहिती आहे. काही वृत्तांनुसार सुमारे ७० हजार पदभरतीचा उल्लेख करण्यात आला आहे. (MPSC Students)

२ ऑक्टोबरचे आंदोलन तात्पुरते स्थगित

MPSCच्या विविध मागण्यांसाठी विद्यार्थ्यांनी २ ऑक्टोबर रोजी पुण्यात सत्याग्रहाची घोषणा केली होती. मात्र मुख्यमंत्री फडणवीस यांच्यासोबत झालेल्या बैठकीनंतर विद्यार्थ्यांनी हे आंदोलन तात्पुरते स्थगित करण्याचा निर्णय घेतला आहे. यापूर्वी पोलिसांच्या विनंतीनंतर विद्यार्थ्यांनी २७ सप्टेंबरचे आंदोलन २ ऑक्टोबरपर्यंत पुढे ढकलले होते. (MPSC Students)

दरम्यान, MPSCने अलीकडे राज्यसेवा मुख्य परीक्षा २०२६, स्थापत्य अभियांत्रिकी मुख्य परीक्षा आणि गट-ब मुख्य परीक्षा पुढे ढकलण्याचा निर्णय घेतला असून, २०२५ राज्यसेवा मुख्य परीक्षेच्या उत्तरपत्रिकांचे पुनर्मूल्यांकन करण्याचेही जाहीर केले आहे. (MPSC Students)