Khalid Ka Shivaji Movie : ‘खालिद का शिवाजी’ हा सिनेमा वादाच्या भोवऱ्यात सापडला आहे. आज 8 ऑगस्टला हा सिनेमा रिलीज होणार आहे. मात्र, या सिनेमाच्या प्रदर्शनावर बंदी घालण्याची मागणी हिंदू महासंघाकडून करण्यात आली होती. तसेच या सिनेमाला वाढता विरोध पाहता या सिनेमासंदर्भात राज्य सरकारने केंद्र सरकारला पत्र लिहिले होते. आता या सिनेमाबाबत एक मोठा निर्णय घेण्यात आला आहे.

राज्य सरकारने केंद्राला लिहिलेल्या पत्रात या सिनेमाची पुनर्परीक्षणाची विनंती केली होती. त्यामुळे आता खालिद का शिवाजी हा सिनेमा आता माहिती आणि प्रसारण मंत्रालयाने या सिनेमाचं सेन्सॉर प्रमाणपत्र एक महिना निलंबित केलं आहे. या कालावधीत सिनेमासंदर्भात चौकशी केली जाणार आहे. तसेच सिनेमाबाबत अंतिम निर्णय होईपर्यंत हे प्रदर्शन एका महिन्यासाठी लांबणीवर टाकण्यात आलं आहे. त्यामुळे आता आज ८ अॅागस्टला हा सिनेमा रिलीज होणार नाही.

सिनेमाचे दिग्दर्शक राज मोरे काय म्हणाले होते?

या सिनेमाच्या ट्रेलरमध्ये छत्रपती शिवाजी महाराजांच्या सैन्यात ११ अंगरक्षक होते, ३५ टक्के मुस्लिम होते, असा संवाद आहे. यावर टक्केवारीमध्ये मतभेद होऊ शकतात. म्हणजे कमी जास्त होऊ शकते, पण आपल्याला हे मान्य करावं लागेलं की शिवाजी महाराजांच्य सैन्यात मुस्लिम लोक होते. आपण इतिहासात त्यांची नाव वाचलेली आहेत, हा ऐतिहासिक चित्रपट नसून या चित्रपटाची कथा खालिद नावाच्या मुलाच्या पात्राच्या अवतीभवती फिरणारी आहे, असं स्पष्टीकरण दिग्दर्शक राज मोरे यांनी दिलं होतं.

कोण आहेत राज मोरे? 

राज मोरे हे राष्ट्रीय पुरस्कार विजेते दिग्दर्शक आहेत. त्यांनी काही मोजक्याच पण उत्तम सिनेमे केले आहेत. त्यांच्या सिनेमांना राष्ट्रीय पुरस्कार मिळाले आहेत. २०१९ मध्ये त्यांनी दिग्दर्शित केलेल्या खिस्सा नावाच्या लघुपटाला सर्वोत्कृष्ट पदार्पणाचा पुरस्कार मिळाला होता. तसेच त्यांच्या विरोध झालेल्या खालिद का शिवाजी सिनेमाही राष्ट्रीय पुरस्कार आहे. या सिनेमाचं कौतुक फिल्म फेस्टिव्हलमधील परीक्षक आणि प्रेक्षकांनी केल्याचे राज मोरे यांनी सांगितलं आहे.

हेही वाचा : Ladki Bahin Yojana : लाडक्या बहिणींच्या खात्यात जुलैचा हप्ता जमा होण्यास सुरुवात ! रक्षाबंधनापूर्वी भेट; असा तपासा तुमचा बॅलन्स