Pune Lonavala Locus Service : काल मंत्रिमंडळाच्या बैठकीत अनेक मोठे निर्णय घेण्यात आले आहेत. यामध्ये पुणे लोणावळा लोकलबाबत केंद्र आणि राज्य सरकारकडून एक महत्वाचा निर्णय घेण्यात आला आहे. मुख्यमंत्री देवेंद्र फडणवीस यांच्या अध्यक्षतेखाली झालेल्या मंत्रिमंडळ बैठकीत पुणे लोणावळा दरम्यानच्या लोकल सेवेच्या दोन नवीन मार्गीकेला मंजुरी देण्यात आली आहे.

यामुळे गेल्या अनेक वर्षांपासून या संदर्भात नागरिकांनाकडून करण्यात आलेल्या मागणीला यश मिळालं आहे. या महत्वपूर्ण निर्णयामुळे प्रवाशांना मोठा दिलासा मिळणार आहे. केंद्रीय राज्यमंत्री आणि पुण्याचे खासदार मुरलीधर मोहोळ यांनी यांसदर्भात केंद्र सरकार आणि राज्य सरकारकडे सातत्याने पाठपुरवठा केला जात होताो.

अखेर त्यांच्या पाठपुराव्याला यश मिळालं आहे. पुणे-लोणावळा दरम्यान उपनगरीय रेल्वे गाड्यांची कनेक्टिव्हिटी वाढावी आणि या दरम्यान प्रवास करणाऱ्या प्रवाशांना दिलासा द्यावा, यासाठी तिसऱ्या आणि चौथ्या मार्गीका सुरू करण्यासाठी पाठपुरावा केला जात होता.

केंद्र सरकारने या प्रकल्पाला सकारत्मकता दर्शविल्यानंतर आता राज्य सरकारनेही याला मुंजुरी दिल्याने पुणेकरांसाठी हे मोठं गिफ्ट असणार आहे. या प्रकल्पाचा खर्च केंद्र आणि राज्य सरकार समान करणार असून यासंदर्भात मोहोळ यांनी मुख्यमंत्री देवेंद्र फडणवीस आणि रेल्वेमंत्री अश्विनी वैष्णव यांच्याशी प्रत्यक्ष भेटून मागणी केली होती. यामुळे आता दोन्ही मार्गींकाचा मार्ग मोकळा झाला आहे.

फायदा काय होणार आहे?

खरंतर पुणे लोणावळा दरम्यान प्रवास करणाऱ्या प्रवाशांची संख्या मोठी आहे. तिसरी आणि चौथी मार्गीका सुरू झाल्यास रेल्वेचं जाळ आणखी विस्तारलं जाणार असून, हे जाळं मजबूत होण्यास मदत होईल. रेल्वे गाड्यांची संख्याही वाढेल. तसेच एक्सप्रेस गाड्यांचा वेगही वाढेल. याचा फायदा औद्योगिक, व्यावसायिक, नोकरदार आणि विद्यार्थी वर्गाला मोठ्या प्रमाणात होणार आहे.

हेही वाचा : BEST Election Results : ठाकरे बंधूंना मोठा धक्का; बेस्ट पतपेढी निवडणुकीत उत्कर्ष पॅनलचा दारुण पराभव, शशांक राव पॅनलने मारली बाजी