Mama Rajwade Nashik :  नाशिकमध्ये भाजपने अक्षरश: सुरुंग लावला आहे. गेल्या काही दिवसांपासून भाजप राजकीय खेळी करत उबाठा गटाला धक्कावर धक्के देत असल्याचे पाहायला मिळत आहे. आगामी स्थानिक स्वराज्य संस्थांच्या निवडणुकीच्या अनुंषगाने भाजपकडून चाणक्यनितीचा अवलंब केला जात आहे. अलिकडेच सुधावर बडगुजर हे भाजपवासी झाले. त्यानंतर विलास शिंदे यांनी आपल्या हाती धनुष्यबाण घेतले. अशातच त्यांच्या जागेवर नियुक्ती करण्यात आलेले मामा राजवाडे हे देखील भाजपच्या वाटेवर असल्याची चर्चा आहे.

उद्धव ठाकरेंना मामा राजवाडे सोडचिठ्ठी देत आपल्या हाती कमळ घेणार असल्याची चर्चा आहे. आजच ते भाजपमध्ये प्रवेश करणार असल्याची दाट शक्यता आहे. त्यांच्यासह माजी नगरसेवक सिमा ताजणे, प्रशांत दिवे, कमलेश बोडके शिवसेना ठाकरे गटाचे उपनेते सुनील बागुल आणि त्यांचे पुत्र हे देखील आज भाजपात प्रवेश करणार असल्याची शक्यता आहे. हा नाशिकमध्ये उबाठा गटासाठी सर्वांत मोठा धक्का मानला जात आहे.

याशिवाय शरद पवार गटाचे पवार गटाचे गणेश गीते हे आज भाजपमध्ये प्रवेश करणार आहेत. मुंबईतील भाजप मुख्यालयात या सगळ्यांचा पक्षप्रवेश पार पडणार असल्याचे सांगण्यात आले आहे. या नेत्यांना गळाला लावण्यात मोठी गुप्तता पाळण्यात आली होती, अशी देखील चर्चा आहे.

भारतीय जमवा जमव पार्टी ची कमाल आहे:
नाशिक मध्ये शिवसेना पदाधीकारायांवर आधी खोटे गुन्हे दाखल केले.हे सर्व पदाधिकारी अटकपूर्व जामिनासाठी न्यायालयात गेले. पोलिस अटक करतील म्हणून हे सगळे जण फरार झाले…
क्लायमॅक्स असा की::
हे सगळे फरार ( भाजपा साठी गुन्हेगार) आज भाजपात प्रवेश करत…

— Sanjay Raut (@rautsanjay61) July 3, 2025

यामुळे आता आगामी स्थानिक स्वराज्य संस्थाच्या निवडणुकीसाठी ठाकरे गटात पदाधिकारी आणि कार्यकर्ते शिल्लक ठेवणार आहेत का, असा प्रश्न आता विचारला जात आहे. मामा राजवाडे यांच्या पक्षांतराची माहिती समोर आल्यानंतर ठाकरे गटाचे खासदार संजय राऊत यांनी ट्विट करुन भाजपवर जोरदार टीकास्त्र डागले आहे.

संजय राऊत यांचे ट्वीट 

भारतीय जमवा जमव पार्टी ची कमाल आहे. नाशिक मध्ये शिवसेना पदाधीकारायांवर आधी खोटे गुन्हे दाखल केले. हे सर्व पदाधिकारी अटकपूर्व जामिनासाठी न्यायालयात गेले. पोलिस अटक करतील म्हणून हे सगळे जण फरार झाले… क्लायमॅक्स असा की:: हे सगळे फरार ( भाजपा साठी गुन्हेगार) आज भाजपात प्रवेश करत आहेत! जमवा जमव पार्टी ने महाराष्ट्राची वाट लावली आहे, सत्ता पैसा दहशत! दुसरे काही नाही!

हेही वाचा : ‘मी या कम्युनिस्ट वेड्याला न्यूयॉर्क उद्ध्वस्त करू देणार नाही’ ; डोनाल्ड ट्रम्प यांची जोहरान ममदानींवर टीका