Anushka Sharma : सध्या बॅालिवूडची प्रसिद्धी अभिनेत्री अनुष्का शर्मा चित्रपटसृष्टीपासून दूर असली तरी चाहत्यांना तिच्याबद्दल जाणून घ्यायला खूप आवडते. दरम्यान, सोशल मीडियावर एक व्हिडीओ व्हायरल झाला असून, अनुष्काच्या जेवणाच्या विषयी काही गोष्टी समोर आल्या आहेत. दररोज सोशल मीडियावर अनेक व्हिडीओ व्हायरल होत असतात. यात अनेक व्हायरल होणारे व्हिडीओ कलाकारांचेही असतात. आता सोशल मीडियावर अनुष्काचा एक जुना व्हिडीओ व्हायरल झाला असून, या व्हिडीओत अनुष्का केबीसीच्या मंचावर आली आहे. अमिताभ बच्चन यांनी तिला कोणत्या प्रकारचे जेवण आवडते आणि कोणत्या गोष्टी तिला सर्वात जास्त खायला आवडतात असा प्रश्न विचारला. या प्रश्नावर अनुष्काच्या उत्तर ऐकून अमिताभ बच्चनही आश्चर्यचकित झाल्याचे दिसते. इंस्टाग्रामवरील latikaasfoodvoyage नावाच्या पेजवर KBC चा एक जुना व्हिडीओ शेअर करण्यात आला आहे. या व्हिडीओमध्ये अनुष्का शर्मा तिचा सह-कलाकार वरुण धवनसोबत अमिताभ बच्चन यांच्या कौन बनेगा करोडपती शोममध्ये आल्याचे दिसत आहे. अमिताभ बच्चन तिला तिच्या आवडत्या पदार्थाबद्दल विचारतात तेव्हा अनुष्का तिला फणस खूप आवडतो, पण ती ते फळ म्हणून नाही तर भाजी म्हणून खाते, असे सांगताना दिसत आहे. ज्यावर अमिताभ बच्चन विचारतात की ती फणस, भोपळा आणि दुधी यासारख्या गोष्टी कशा खाऊ शकते? या प्रश्नावर अनुष्का एकाच वाक्यात उत्तर देते. हे तिन्ही तिचे आवडते आहेत. तिच्या या उत्तरावर अमिताभ यांनी मला असे वाटते की दुसऱ्याला विचारावं लागेल की ते तुला कसं सहन करतात, असे गंमतीने म्हटले आहे. अनुष्का शर्माच्या कामाच्या बाबतीत बोलायचे झाल्यास ती सात वर्षांपासून मोठ्या पडद्यापासून दूर आहे. तिचा शेवटचा चित्रपट ‘झिरो’ होता, जो २०१८ मध्ये प्रदर्शित झाला होता. तेव्हापासून तिचा एकही चित्रपट मोठ्या पडद्यावर प्रदर्शित झालेला नाही. महिला क्रिकेटपटू झुलन गोस्वामीच्या जीवनावर आधारित तिचा ‘चकदा एक्सप्रेस’ हा चित्रपट तयार आहे. पण सध्या ती तिच्या आईत्वाचा आनंद घेत आहे आणि बॉलिवूडपासून पूर्णपणे दूर झाली आहे. हेही वाचा : आधी सत्तापालट, नंतर एकामागून एक प्रकरणं… मोहम्मद युनूसने शेख हसीनांना टार्गेट करत देशावर मिळवला ताबा
