Pune News : महिला उद्योजिकांना व्यवसाय क्षेत्रात सक्षम करण्याच्या उद्देशाने भूमीसखी फाउंडेशन व सखी प्रेरणा मंच यांच्या वतीने विशेष इन्क्युबेशन सेंटर सुरू करण्यात येत आहे. फूड इंडस्ट्री, बचत गट, लघुउद्योग तसेच घरगुती व्यवसाय करणाऱ्या महिलांना व्यवसायाच्या प्रत्येक टप्प्यावर आवश्यक मार्गदर्शन, प्रशिक्षण व तज्ज्ञांचे सहकार्य या माध्यमातून उपलब्ध करून दिले जाणार आहे. सखी प्रेरणा मंच व भूमीसखी फाउंडेशनच्या प्रमुख तथा नगरसेविका ऐश्वर्या सुरेंद्र पठारे यांच्या मार्गदर्शनाखाली हा उपक्रम राबविण्यात येणार आहे. (Pune News)

या उपक्रमांतर्गत व्यवसाय विकास, कौशल्य प्रशिक्षण, मार्केटिंग, ब्रँडिंग मार्गदर्शन, पॅकेजिंग, सप्लाय चेन व्यवस्थापन, मार्केट रिसर्च, व्यवसाय विस्तार, विविध सरकारी योजनांची माहिती तसेच नेटवर्किंग व नव्या व्यवसायिक संधी उपलब्ध करून दिल्या जाणार आहेत. (Pune News)

त्यामुळे महिलांना स्वतःचा व्यवसाय अधिक सक्षमपणे उभारण्यास आणि विस्तारण्यास मदत होणार आहे. पहिला प्रशिक्षण उपक्रम जुलै महिन्यात आयोजित करण्यात येणार आहे. या प्रशिक्षणाचा वडगावशेरी मतदारसंघातील खराडी, चंदननगर, लोहगाव, धानोरी, वाघोली, कळस, विश्रांतवाडी, टिंगरेनगर, येरवडा, विमाननगर, कलवड, रामवाडी परिसरातील महिला भगिनींनी लाभ घ्यावा,असे आवाहन आयोजकांनी केले आहे. (Pune News)

“महिलांच्या हाताला उद्योगाची ताकद देण्याबरोबरच उद्योगाला विकासाची नवी दिशा देण्याच्या उद्देशाने हा उपक्रम राबविण्यात येणार आहे. त्यामुळे अधिकाधिक महिला उद्योजिका, बचत गट आणि घरगुती व्यवसाय करणाऱ्या महिलांनी या संधीचा लाभ घ्यावा. (Pune News)

आपला व्यवसाय नव्या उंचीवर नेण्याकरिता आजच नोंदणी करा. नोंदणीसाठी ९६०७०६०१९५ या क्रमांकावर संपर्क साधावा, असे आवाहन उपक्रमाच्या आयोजिका ऐश्वर्या पठारे यांनी केले आहे.” (Pune News)