गुवाहाटी : संगीत आयकॉन झुबीन गर्ग यांच्या सिंगापूरमध्ये झालेल्या मृत्यूप्रकरणी त्यांचे भाऊ श्यामकानु महंत यांना अटक झाल्यानंतर आसामचे मुख्य माहिती आयुक्त (सीआयसी) भास्करज्योती महंत यांनी गुरुवारी आपल्या पदाचा राजीनामा दिला. मुख्यमंत्री हिमंता बिस्वा शर्मा यांच्या सल्ल्यानुसार त्यांनी राजीनामा दिल्याचे वृत्त आहे. यासंदर्भात भास्करज्योती महंत यांनी म्हटले आहे की, माझ्या सद्सद्विवेकबुद्धीने मला सांगितले की जर माझ्या भावाबाबत कोणताही आरटीआय अर्ज दाखल केला गेला तर त्यामुळे शंका किंवा चुकीचे अर्थ निघू शकतात.

थोडासाही संशय येऊ नये म्हणून, मला बाजूला राहणे योग्य वाटले. गर्ग यांच्या गूढ मृत्यूप्रकरणी भास्करज्योती यांचे भाऊ श्यामकानु महंत यांच्यासह सहा जणांना अटक करण्यात आली होती. याबाबत अनेक माहिती अधिकार अर्ज दाखल झाल्यानंतर वाद निर्माण झाला होता. १९ सप्टेंबर रोजी सिंगापूरमध्ये समुद्रात पोहताना गर्ग बुडाला होता. तिथे आयोजित केलेल्या चौथ्या ईशान्य भारत महोत्सवात सादरीकरण करण्यासाठी श्यामकानु गेले होते. माजी आयपीएस अधिकारी आणि आसामचे माजी पोलिस महासंचालक (डीजीपी) भास्करज्योती महंत यांनी आपल्या राजीनामा पत्रात म्हटले आहे की, या प्रकरणासंदर्भात त्यांच्या भावाचे नाव आल्यानंतर त्यांना सीआयसी म्हणून काम करणे अयोग्य वाटले.

माजी आयपीएस अधिकारी आणि आसामचे माजी पोलिस महासंचालक (डीजीपी) भास्करज्योती महंत यांनी आपल्या राजीनामा पत्रात म्हटले आहे की, या प्रकरणासंदर्भात त्यांच्या भावाचे नाव मीडियामध्ये आल्यानंतर त्यांना सीआयसी म्हणून काम करणे अयोग्य वाटले. मी मुख्यमंत्री कार्यालयाला माझे हेतू आधीच कळवले आहेत आणि त्यांच्या सहकाऱ्यांना या प्रकरणाशी संबंधित कोणत्याही आरटीआय विनंतीबद्दल त्यांना कळविण्याचे निर्देश दिले आहेत.

अर्जदाराने माझ्या प्रामाणिकपणा आणि निष्पक्षतेवर विश्वास व्यक्त करत मला पत्र लिहिले, ज्यामुळे मी ज्या परिस्थितीची अपेक्षा केली होती ती पुन्हा एकदा सिद्ध झाली. परिणामी, मी विलंब न करता माननीय राज्यपालांकडे माझा राजीनामा सादर करण्याचा निर्णय घेतला,” असे महंत यांनी लिहिले. झुबीन गर्गच्या मृत्यूवर आसामचे मुख्यमंत्री हिमंता बिस्वा सरमा म्हणतात, मी याला अपघात म्हणणार नाही, तर तो खून आहे. त्यांच्या कारकिर्दीचा आढावा घेताना महंत म्हणाले की आसाम-मेघालय कॅडरचे आयपीएस अधिकारी म्हणून त्यांच्या गृहराज्याची सेवा करणे ही अभिमानाची बाब होती आणि राज्य माहिती आयोगाचे प्रमुखपदही तितकेच एक विशेषाधिकार होते.