Border Gavaskar Trophy 2024/25 (Umpires Names List) : बॉर्डर-गावस्कर ट्रॉफी 2024 ही महत्वपूर्ण स्पर्धा  22 नोव्हेंबरपासून सुरू होईल, पहिली कसोटी पर्थमध्ये खेळली जाईल. ही पाच कसोटी सामन्यांची मालिका दोन्ही संघांसाठी महत्त्वाची आहे कारण यापैकी एक संघ मालिका जिंकून जागतिक कसोटी चॅम्पियनशिपच्या अंतिम फेरीत प्रवेश करेल. जेव्हा मालिकेचे महत्त्व इतके वाढते तेव्हा अचूक निर्णय घेण्याचा भार पंचांवरही असतो. चला तर मग जाणून घेऊया, पहिल्या टेस्टमध्ये अंपायरिंगची जबाबदारी कोणावर सोपवण्यात आली आहे.

पर्थ येथे होणाऱ्या पहिल्या कसोटी सामन्यासाठी जागतिक दर्जाच्या पंचांची टीम तयार करण्यात आली आहे. ग्राउंड अंपायरिंगची जबाबदारी अनुक्रमे इंग्लंड आणि न्यूझीलंडचे रिचर्ड केटलबरो आणि ख्रिस गफानी यांच्याकडे सोपवण्यात आली आहे. दोघेही आंतरराष्ट्रीय क्रिकेटमध्ये अचूक निर्णय घेण्यासाठी ओळखले जातात आणि दोघांनाही भरपूर अनुभव आहे. रिचर्ड इलिंगवर्थ पहिल्या कसोटीसाठी तिसरे पंच म्हणून जबाबदारी सांभाळणार असून ते इंग्लंडचे आहेत. चौथे पंच ऑस्ट्रेलियाचे सॅम नोगास्की असतील.

पर्थ कसोटीसाठी पंच : रिचर्ड केटलबरो(इंग्लंड) , ख्रिस गफानी(न्यूझीलंड), रिचर्ड इलिंगवर्थ(इंग्लंड), सॅम नोगास्की(ऑस्ट्रेलिया).

Border-Gavaskar Trophy 2024/25 : ऑस्ट्रेलियासाठी ‘हे’ दोन भारतीय खेळाडू ठरलील त्रासदायक, रवी शास्त्रींनी केलं भाकीत…

पर्थमधील खेळपट्टी अहवाल…

पर्थची खेळपट्टी उच्च उसळी आणि वेगासाठी ओळखली जाते, त्यामुळे पंचांना विशेषतः LBW निर्णय घेणे सोपे नसते. काही दिवसांपूर्वी खेळपट्टीचे क्युरेटर आयझॅक मॅकडोनाल्ड यांनी सांगितले होते की, भारत आणि ऑस्ट्रेलिया यांच्यातील पहिल्या कसोटी सामन्यासाठी खेळपट्टीवर गवत असेल, जे पाहता याचा अंदाज लावणे कठीण नाही की, चेंडू खेळपट्टीवर आदळल्यानंतर वेगाने बाहेर येईल. त्यांनी असेही सांगितले की, पर्थमध्ये गेल्या काही दिवसांपासून कमी सूर्यप्रकाश होता, त्यामुळे खेळपट्टीचा मूड थोडा बदललेला दिसू शकतो. पण कोणत्याही परिस्थितीत येथे फलंदाजी करणे सोपे जाणार नाही.