‘Better-Half’s Love Story’ नुकताच बेटर हाफची लव्हस्टोरी’ या मराठी चित्रपटाचा टिझर रिलीज झाला आहे. या टिझरने प्रेक्षकांमध्ये चित्रपटाची उत्सुकता वाढवली आहे. मुळात या चित्रपटाची कथा ही अभिनेता सुबोध भावे याच्याभोवती फिरणारी आहे. यामुळे या टिझरच्या पहिल्या फ्रेमपासून सुबोध भावेचे पात्र आपल्याला दिसते. सुबोध या चित्रपटात साकारत असलेल्या पात्राची बायको गेली आहे, मात्र तिचा वावर त्याला जाणवत असल्याचे तो सांगतो. या भासातून हास्य आणि रहस्याची भन्नाट कॅामेडी आपल्याला दिसत आहे. चित्रपटाच्या टिझरच्या शेवटी ‘त्यादिवशी एक्साक्टली काय घडलं?’ हा गंभीर प्रश्न ऐकू येतो. यामुळे या प्रश्नाच्या उत्तरासाठी २२ अॅागस्टपर्यंतची वाट पाहावी लागणार आहे. सुशीलकुमार अग्रवाल आणि अल्ट्रा प्रस्तुत यांनी ‘बेटर-हाफची लव्हस्टोरी’ या चित्रपटाचे लेखन, छायांकन आणि दिग्दर्शन संजय अमर यांनी केले आहे. तर रजत मीडिया एंटरटेनमेंटने निर्मिती केली आहे. या चित्रपटाचे निर्माते रजत अग्रवाल आहेत. या चित्रपटाला साजन पटेल आणि अमेय नरे यांनी संगीत दिले आहे. या चित्रपटात अभिनेता सुबोध भावे, प्रार्थना बेहरे, अनिकेत विश्वासराव यांच्यासोबत अभिनेत्री रिंकू राजगुरू देखील विशेष भूमिकेत पाहायला मिळणार आहे. अभिनेत्री रिंकू राजगुरू हिला सैराट या चित्रपटानंतर स्टारडम मिळाले. त्यानंतर तिने आतापर्यंत अनेक चित्रपटात काम केले आहे. झिम्मा २ मध्ये तिने व्यक्तीरेखा साकारली होती. काही हिंदी चित्रपटात आणि वेबसिरीजमध्येही रिंकू पाहायला मिळाली. आता रिंकू बेटर हाफची लव्हस्टोरी चित्रपटातून प्रेक्षकांच्या भेटीला येणार आहे. यामुळे आता या चित्रपटाची प्रेक्षक आतुरतेने वाट पाहत आहेत.
