Best Jio Recharge Plan With OTT Subscription: टेलिकॉम कंपनी रिलायन्स जिओकडे वेगवेगळ्या किंमतीसह येणारे अनेक शानदार प्लॅन्स उपलब्ध आहेत. कंपनीकडून ग्राहकांच्या सुविधेसाठी अनलिमिटेड कॉलिंग, 5जी डेटा, मोफत एसएमएससह अनेक सुविधा दिल्या जातात.

कंपनीने काही महिन्यांपूर्वी आपल्या प्रीपेड प्लॅन्सच्या किंमतीत 30 टक्क्यांपर्यंत वाढ केली होती. मात्र, असेही काही प्लॅन्स आहेत, ज्यात कमी किंमतीत एकापेक्षा एक शानदार फायदे दिले जातात. जिओच्या अशाच 12 मोफत ओटीटी प्लॅटफॉर्म्स सबस्क्रिप्शनसह येणाऱ्या प्लॅन्सविषयी जाणून घेऊया.

रिलायन्स जिओचा 448 रुपयांचा रिचार्ज प्लॅन

रिलायन्स जिओच्या 448 रुपयांच्या रिचार्ज प्लॅनमध्ये सुपर फास्ट डेटा आणि अनलिमिटेड कॉलिंगची सुविधा मिळते. याशिवाय, तब्बल 12 ओटीटी प्लॅटफॉर्म्सचे मोफत सबस्क्रिप्शन देखील दिले जाते.

ग्राहकांना या जिओच्या या प्लॅनमध्ये 28 दिवसांची वैधता मिळेल. यामध्ये दररोज 2 जीबी हाय-स्पीड डेटा दिला जातो. अशाप्रकारे महिन्याला एकूण 56 जीबी डेटाचा फायदा मिळेल. डेटासह देशभरात अनलिमिटेड मोफत कॉलिंगची सुविधाही दिली जाते.

दररोजचा 2 जीबी डेटा समाप्त झाल्यास तुम्ही 64Kbps स्पीडसह इंटरनेट वापरू शकता. याशिवाय, यूजर्स अनलिमिटेड 5जी इंटरनेट सुविधेचाही लाभ घेऊ शकतील. तसेच, प्लॅनमध्ये 28 दिवसांसाठी दररोज 100 एसएमएस मोफत दिले जातात.

12 ओटीटी प्लॅटफॉर्म्सचे सबस्क्रिप्शन मोफत

जिओच्या 448 रुपयांच्या प्रीपेड रिचार्ज प्लॅनमध्ये 12 ओटीटी प्लॅटफॉर्म्सचे मोफत सबस्क्रिप्शन दिले जाते. यामध्ये JioCinema Premium, Sony LIV, ZEE5, Lionsgate Play, Discovery+, Sun NXT, Kanchha Lannka. Planet Marathi, Chaupal, Hoichoi आणि FanCode या प्लॅटफॉर्म्सचा समावेश आहे.